მარიამ ფოლადაშვილი

მიუხედავად იმისა, რომ ოფლიანობა სხეულის გაგრილების გზაა, ზოგიერთი ადამიანი ზედმეტად ოფლიანობს. ოფლიანი მკლავები, ოფლიანი კისერი და ოფლიანი ფეხები აშკარა მიზეზის გარეშე, შეიძლება გამოწვეული იყოს სამედიცინო მდგომარეობის გამო, რომელსაც ეწოდება ჰიპერჰიდროზი.

მაიოს კლინიკის თანახმად, ჰიპერჰიდროზი არის არანორმალურად ჭარბი ოფლიანობა, რომელიც აუცილებლად არ არის დაკავშირებული სიცხესთან ან ვარჯიშთან. ჰიპერჰიდროზის მქონე ადამიანები იმდენად ოფლიანდებიან, რომ მათი ტანსაცმელი სველდება.

ჰიპერჰიდროზის ყველაზე გავრცელებული ტიპია პირველადი ფოკალური ან ესენციური ჰიპერჰიდროზი, რომლის დროსაც ნერვები, რომლებიც ააქტიურებენ საოფლე ჯირკვლებს, ხდება ზედმეტად აქტიური. მაშინაც კი, თუ არ დარბიხართ ან არ ცხელა.

არანორმალური ოფლიანობის უფრო სერიოზულ სახეს ეწოდება მეორადი ჰიპერჰიდროზი, რომელიც მიუთითებს ცენტრალური ან პერიფერიული ნერვული სისტემის დისფუნქციაზე. ამ ტიპის ჭარბი ოფლიანობა, როგორც წესი, არის სამედიცინო მდგომარეობის შედეგი, მათ შორის:

• შაქრიანი დიაბეტი;
• გულის პრობლემა;
• ინფექციები;
• სისხლში დაბალი შაქრის დონე;
• მენოპაუზა;
• ნერვული სისტემის დარღვევები;
• ფარისებრი ჯირკვლის პრობლემები

მიუხედავად იმისა, რომ ხშირად ჭარბი ოფლიანობა არ არის სერიოზული ან სიცოცხლისთვის საშიში, ის შეიძლება იყოს უხერხული და შეგაწუხოთ. ჰიპერჰიდროზის სამკურნალო საშუალებები არსებობს, მაგრამ სასურველია მკურნალობამდე ექიმთან კონუსლტაცია.

კვლევამ აჩვენა, რომ პირველადი ჰიპერჰიდროზი ზრდის კანზე ბაქტერიული და სოკოვანი ინფექციების რისკს. ასე რომ, თუ ზედმეტი ოფლიანობა გაქვთ, მიმართეთ ექიმს, რათა თავიდან აიცილოთ შესაძლო ინფექციები.