რატომ არ უნდა დავიბანოთ თავი შხაპის გელითა და საპნით
რადგან ამან შეიძლება სერიოზული ზიანი მიაყენოს თმას და თავის კანს.
ამ პროდუქტებით თმის დაბანამ შეიძლება გამოიწვიოს თმის ღერების გახუნება და მტვრევადობა, მოვლის სპეციალიზებული ინგრედიენტების ნაკლებობის გამო.
შხაპის გელები და თხევადი საპონი საკმაოდ პრობლემურია თმის დასაბანად. გარდა ამისა, ასეთი პროდუქტები ქმნიან ფენას თმის ღეროს ზედაპირზე, რომელიც რთულად ჩამოიბანება თმიდან, რის შედეგადაც თმა ხდება დაუმორჩილებელი და აბურდული. გარდა ამისა, ასეთი „მოვლის“ ფონზე, თავის ტმიანი ნაწილის კანი ორჯერ უფრო სწრაფად ჭუჭყიანდება, თმა კი ცხიმიანი ხდება, რაც გვაიძულებს, თმა უფრო ხშირად დავიბანოთ.
გარდა ამისა, ამ პროდუქტების გამოყენებამ შეიძლება გამოიწვიოს თავის კანის სიმშრალე, ქავილი და ქერტლი. ქავილი, თავის მხრივ, იწვევს ნაკაწრებს და მეორადი ბაქტერიული ინფექციის დამატებას. იგივე ეხება მყარ საპონს.
გამომშრალი, დაზიანებული კანი არა მხოლოდ დარღვეული ბარიერია პათოგენური მიკროფლორის შეღწევისთვის, არამედ ნეგატიურ გარემოს ქმნის ისეთი პაწაწინა, მაგრამ მნიშვნელოვანი ორგანოსთვის, როგორიცაა თმის ფოლიკულა. ხანგრძლივი დესტრუქციული მოვლის შემთხვევაში ის შეიძლება გადავიდეს მოსვენების ფაზაში, რაც გამოიწვევს თმის ნაადრევ ცვენას.