რა მოხდება, თუ ყოველ დილით ერთ კოვზ ზეითუნის ზეთს დავლევთ
უზმოზე ერთი კოვზი ზეითუნის ზეთი ხელს უწყობს საჭმლის მონელებას. მას აქვს ოდნავ სასაქმებელი ეფექტი, ხსნის შეკრულობას და არბილებს განავალს. ეს იმიტომ ხდება, რომ ეს პროდუქტი მდიდარია უჯერი ცხიმოვანი მჟავებით, რომლებიც ხელს უწყობენ ნაწლავის ბაქტერიების ზრდას და ასტიმულირებენ ნაწლავის მოძრაობას.
ზეითუნის ზეთი იცავს ღვიძლს. მას შეუძლია დააბალანსოს ღვიძლში ოქსიდაციური სტრესი, რომელიც გამოწვეულია ტოქსინებით და ამით დაიცვას ორგანოს უჯრედები.
ზეთში შემავალი ოლეინის მჟავები იცავს გულს, ამცირებს ქოლესტერინის დონეს და ინარჩუნებს სისხლძარღვების ელასტიურობას.
და ბოლოს, პროდუქტი მდიდარია ბიოტინით, რომელიც ამაგრებს ფრჩხილებსა და თმას. ეფექტი იქნება როგორც ზეითუნის ზეთის შიგნით მიღების, ასევე გარეგანად გამოყენებისას.
რა ვიცით ზეთისხილის შესახებ?
ზეთისხილი საკმაოდ ჯანსაღ საკვებად ითვლება:
- აუმჯობესებს ნივთიერებათა ცვლას;
- ხელს უწყობს კუჭ-ნაწლავის მოქმედებას;
- აქვს ნაღვლმდენი თვისება;
- იცავს სისხლძარღვებს ათეროსკლეროზული ფოლაქებით დახშობისგან;
- ამცირებს მაღალ არტერიულ წნევას;
- გააჩნია ანტიკანცეროგენული მოქმედება;
- ამცირებს ცუდი ქოლესტეროლის დონეს და ზრდის კარგი ქოლესტეროლისას;
- ამცირებს გულის ინფარქტის რისკს;
- აქვს ანთების საწინააღმდეგო მოქმედება;
- ამცირებს ალცჰაიმერის დაავადების რისკს;
- ატენიანებს კანს;
- ამცირებს ნაოჭებს.