რამდენი შოკოლადი შეგიძლიათ მიირთვათ დღეში
რძიანი და განსაკუთრებით თეთრი შოკოლადი ყველაზე ნაკლებად ჯანსაღად ითვლება, რადგან თანაფარდობა იცვლება - ნაკლები კაკაო, მეტი შაქარი.
„ შოკოლადი დამატკბობელით შეიძლება იყოს კარგი ალტერნატივა, თუ თქვენ გჭირდებათ კალორიების მიღების შემცირება. თუმცა, მისი დიდი რაოდენობით მიღება ასევე არ არის რეკომენდებული ამ დამატკბობლების გვერდითი ეფექტების გამო; მაგალითად, ჩვეულებრივმა შაქრის შემცვლელმა სორბიტოლმა, ჭარბი მოხმარებისას, შეიძლება გამოიწვიოს შებერილობა, გულისრევა და დიარეა.
არ არის რეკომენდებული დღეში 30 გრამზე მეტი შავი შოკოლადის ან 15-20 გრამ რძიანი შოკოლადის ჭამა.
რეგულარულად ჭარბი მოხმარების შემთხვევაში, არსებობს რაციონში შაქრისა და ნაჯერი ცხიმების რაოდენობის გადაჭარბების რისკი, რამაც დროთა განმავლობაში შეიძლება გამოიწვიოს ჭარბი წონა, დიაბეტი, გულ-სისხლძარღვთა და ღვიძლის დაავადებები.
შოკოლადი ასევე არ არის რეკომენდებული 3 წლამდე ასაკის ბავშვებისთვის, ასევე დიაბეტით დაავადებულთათვის და შოკოლადის მიმართ ალერგიის მქონე ადამიანებისათვის . სიფრთხილით, რეკომენდებული დოზების გადაჭარბების გარეშე, შოკოლადი შეიძლება მიირთვან ჰიპერტენზიის მქონე ადამიანებმა (კოფეინის შემცველობის გამო), გასტროეზოფაგური რეფლუქსით დაავადებულმა ადამიანებმა და მათ, ვისთანაც ეს პროდუქტი იწვევს გულძმარვას.
ასევე არსებობს მონაცემები, რომ პოდაგრის დროს, უმჯობესია შეზღუდოთ შოკოლადის რაოდენობა რაციონში პურინების შემცველობის გამო. შესაბამისად, შეგიძლიათ შოკოლადი შეცვალოთ ტკბილეულით კოფეინისა და პურინების გარეშე - მარმელადი, ზეფირი და მსგავსი - ან კალორიების რაოდენობის შესამცირებლად გამოიყენოთ შოკოლადი შაქრის შემცვლელით.