საკვები ჯანსაღი სახსრებისთვის
არსებობს ჯანსაღი საკვები, რომლებიც შეიძლება დაგეხმაროთ სახსრების ტკივილის შემსუბუქებაში.
საკვებს შეუძლია შეცვალოს ოსტეოართრიტის შედეგები, თუმცა დიეტის შეცვლას არ შეუძლია მთლიანად აღმოფხვრას ტკივილი. სახსრების ტკივილის უმეტესობა მოითხოვს მკურნალობის სხვადასხვა მიდგომების კომბინაციას, მათ შორის მედიკამენტებს, ვარჯიშს, ფიზიოთერაპიას და ცხოვრების სტილის სხვა ცვლილებებს.
მაგრამ, საგულდაგულოდ შერჩეული დიეტა მნიშვნელოვანია სახსრების მოვლისათვის. კვებას, რომელიც ორიენტირებულია ანთების შემცირებაზე, შეუძლია შეამციროს ტკივილი. თუ არ განიცდით სახსრების ტკივილს, კარგი საკვების არჩევანის გაკეთება დაგეხმარებათ სახსრების ჯანმრთელობის შენარჩუნებაში.
სახსრებისთვის სასარგებლო პროდუქტებია:
თევზი - მდიდარია ომეგა-3 ცხიმოვანი მჟავებით, რომლებსაც აქვთ ანთების საწინააღმდეგო თვისებები. სასარგებლოა: ორაგული, კალმახი, სკუმბრია, ქაშაყი.
ბოსტნეული - მიირთვით ბოსტნეული, როგორიცაა ბროკოლი, ყვავილოვანი კომბოსტო, ბრიუსელის კომბოსტო. მდიდარია ფიტოქიმიკატებით, როგორიცაა სულფორაფანი, რომელსაც აქვს ძლიერი ანთების საწინააღმდეგო თვისებები.
იოგურტი - ჯანსაღი ნაწლავი მნიშვნელოვანია უპირველეს ყოვლისა, როდესაც საქმე ეხება ანთების მართვას. ფერმენტირებული საკვების რეგულარულად მოხმარება, როგორიცაა იოგურტი, უზრუნველყოფს სასარგებლო ბაქტერიებს, რომლებიც ხელს უწყობენ ნაწლავის ჯანსაღი მიკრობიომის შექმნას.
უშაქრო იოგურტები ყველაზე ჯანსაღი ვარიანტია.
ჯანჯაფილი - აქვს ანტიოქსიდანტური თვისებები და ამცირებს ანთებას.
მწვანე ჩაი - მდიდარია პოლიფენოლური ნაერთებით, რომლებიც ხელს უწყობენ ანთების შემცირებას. ჩაის ხარისხი მნიშვნელოვანია.
გარდა ანთების საწინააღმდეგო თვისებების მქონე საკვების მიღებისა, თქვენ ასევე შეგიძლიათ შეამციროთ სახსრების ტკივილი და გააუმჯობესოთ სახსრების მდგომარეობა გარკვეული საკვების თავიდან აცილებით. ასეთი პროდუქტებია: შაქარი და რაფინირებული მარცვლეული.
ამასთან მოერიდეთ არაჯანსაღ ცხიმებს. აირჩიეთ ჯანსაღი მცენარეული ცხიმები, როგორიცაა ზეითუნის ზეთი, ავოკადო, სელის თესლი, ჩიას თესლი,თხილეული. ცხიმიან ხორცსა და ქათმის კანში შემავალ ცხიმს ასევე შეუძლია ხელი შეუწყოს სახსრების ტკივილს და შეშუპებას.