რომელი ვიტამინების მიღებაა რეკომენდებული ზამთარში
მსგავსი პერიოდი კი ავტომატურად გვიწყობს ხელს, ვიყოთ ნაკლებადენერგიულები და მოტივირებულები.
თუმცა, იმისთვის, რომ თავი ასე არ ვიგრძნოთ, სასურველია საკუთარ სხეულს ამ პერიოდში მისთვის საჭირო დანამატები მივაწოდოთ.
ეს ვიტამინებია:
D ვიტამინი - ძირითადად მზის პირდაპირი სხივებისგან ვიღებთ, ზამთარში კი ეს გაცილებით რთულდება. D ვიტამინის დონე შეიძლება ძალიან დაბალი იყოს, რაც, საბოლოო ჯამში, დაღლილობასა და უსიამოვნო შეგრძნებას იწვევს. D ვიტამინის დანამატების მიღება დაგეხმარება ძვლების გაძლიერებასა და სეროტონინის გამომუშავებაში.
C ვიტამინი - აძლიერებს იმუნიტეტს ზამთრის თვეებში. გარდა ამისა, ის ამცირებს სტრესს და გიცავს თავისუფალი რადიკალებისგან. ის ავადმყოფობის შემამსუბუქებელი საშუალებაა. C ვიტამინის მიღება დაგეხმარება გაციებისა და გრიპის სიმპტომების შემცირებაში. იგი აუცილებელია ორგანიზმისთვის მთელი წლის განმავლობაში და მიუხედავად იმისა, რომ ის გვხვდება ბევრ საკვებში, მისი დანამატის სახით მიღება ასევე საჭიროა.
B ვიტამინის კომპლექსი - თითოეული მათგანი ეხმარება ორგანიზმს, ეფექტურად იფუნქციონიროს და ხელს უწყობს მისი სიჯანსაღის შენარჩუნებას. B ვიტამინის კომპლექსს შეუძლია ხელი შეუწყოს სისხლის წითელი უჯრედების ზრდას, გააუმჯობესოს ენერგიის დონე, უზრუნველყოს ტვინის ჯანსაღი ფუნქცია, ხელი შეუწყოს საჭმლის მონელებას. თუ ზამთარში ხშირად გრძნობთ დაღლილობას, შესაძლოა, B ვიტამინის დანამატები გჭირდებოდეთ.
ომეგა 3 - გამოიყენება უჯრედული მემბრანების შესაქმნელად, ამიტომ ის მნიშვნელოვანია სხეულის ყველა უჯრედის ჯანმრთელობის შესანარჩუნებლად. ომეგა 3 ამცირებს დაავადების რისკს და ანთებას. გარდა ამისა, ომეგა 3 სასარგებლოა მეხსიერებისთვის და ტვინის გამართულად მუშაობისთვის. ომეგა 3-ის დეფიციტმა შეიძლება გამოიწვიოს დაღლილობა, კანის სიმშრალე, განწყობის ცვალებადობა და დეპრესია.
პრობიოტიკები - ხელს უწყობს საჭმლის მონელებას და აუმჯობესებს ნაწლავების ჯანმრთელობას, მაგრამ ზამთარში ამ საკითხებზე ზრუნვა კიდევ უფრო მეტად მნიშვნელოვანია. ნაწლავში არსებული სასარგებლო ბაქტერიები, რომლებსაც პრობიოტიკები წარმოქმნიან, ხელს უწყობენ ინფექციების წინააღმდეგ ბრძოლას. ინფექციები შეიძლება გამოწვეული იყოს ვირუსებით, პარაზიტებით, სოკოებით, რომლებიც უფრო ხშირია შემოდგომასა და ზამთარში.
