როგორია ოფისში გაციების თავიდან აცილების გზები
პირველ რიგში, ყოველ 3-4 საათში ერთხელ, 10-15 წუთის განმავლობაში საჭიროა ოთახის განიავება, მიკრობების გავრცელების რისკის შესამცირებლად. მეორეც, აუცილებელია თქვენი სამუშაო ადგილის სველი წმენდა: მაგიდის ზედაპირი გაასუფთავეთ წყლით ან ანტისეპტიკით დასველებული ერთჯერადი ხელსახოცებით.
მესამე, მიკრობებისგან ეფექტურად დასაცავად, უნდა დაიბანოთ ხელები ან დაიმუშავოთ ანტისეპტიკური ხსნარით ყოველ სამ საათში ერთხელ. კანის დაზიანების თავიდან ასაცილებლად შეგიძლიათ გამოიყენოთ დამატენიანებელი ეფექტის მქონე კრემი.
უნდა ეცადოთ, სახეს ჭუჭყიანი ხელებით არ შეხოთ. ხელებზე არის მიკრობები, რომლებსაც შეუძლიათ ლორწოვან გარსებში შეღწევა, რაც ინფექციური პროცესის დაწყებას იწვევს. საჭიროა ცხვირის ღრუს გამორეცხვა ფიზიოლოგიური ხსნარით ან ზღვის მარილისი იზოტონური ხსნარით, რომელიც გაანადგურებს ლორწოვან გარსზე არსებულ ბაქტერიებს.
დაიბანეთ ხელები ყოველ ჯერზე ოფისში საერთო სარგებლობის ნივთებთან კონტაქტის შემდეგ, როგორიცაა ჩაიდანი ან კარის სახელურები, ასევე შეზღუდეთ კოლეგებთან ხელის ჩამორთმევა.