მარიამ ფოლადაშვილი

გარდა ბოჭკოებისა და ანტიოქსიდანტებისა, ის შეიცავს უამრავ ვიტამინსა და მინერალს, რაც დაგეხმარებათ რამდენიმე ქრონიკული დაავადების რისკის შემცირებაში.

ქლიავის ჩირი ასევე სასარგებლოა. მათ შორის დადებითი გავლენა აქვს ყაბზობასა და ოსტეოპოროზზე.

ერთი ქლიავი შეიცავს შემდეგ საკვებ ნივთიერებებს:

• ნახშირწყლები: 8 გრ;
• ბოჭკო: 1 გრ;
• შაქარი: 7 გრ;
• A ვიტამინი: რეკომენდებული დოზის 5%.
• C ვიტამინი: რეკომენდებული დოზის 10%.
• K ვიტამინი: რეკომენდებული დოზის 5%.
• კალიუმი: რეკომენდებული დოზის 3%.
• სპილენძი: რეკომენდებული დოზის 2%.
• მანგანუმი: რეკომენდებული დოზის 2%.

გარდა ამისა, ერთი ქლიავი უზრუნველყოფს მცირე რაოდენობით B ჯგუფის ვიტამინებს, ფოსფორსა და მაგნიუმს.

ქლიავის წვენი ამცირებს ყაბზობას - ეს ნაწილობრივ განპირობებულია ქლიავში ბოჭკოს დიდი რაოდენობით. მნიშვნელოვანია გვახსოვდეს, რომ ძალიან ბევრი ქლიავის ერთდროულად მიღებამ შეიძლება გამოიწვიოს არასასურველი შედეგები, როგორიცაა დიარეა. თუ თქვენ იყენებთ ქლიავის წვენს, დარწმუნდით, რომ ეს არის 100% წვენი შაქრის გარეშე.

ქლიავი მდიდარია ანტიოქსიდანტებით - რაც სასარგებლოა ანთების შესამცირებლად და უჯრედების დასაცავად თავისუფალი რადიკალების მავნე ზემოქმედებისგან. განსაკუთრებით მდიდარია პოლიფენოლური ანტიოქსიდანტებით, რომლებსაც დადებითი გავლენა აქვთ ძვლების ჯანმრთელობაზე და შეუძლიათ შეამცირონ გულის დაავადებები. ანთოციანინები, პოლიფენოლის სპეციფიკური ტიპი, ყველაზე აქტიური ანტიოქსიდანტებია, რომლებიც გვხვდება ქლიავში.

ქლიავს აქვს ისეთი თვისებები, რომლებიც ხელს უწყობს სისხლში შაქრის კონტროლს - ქლიავს შეუძლია გაზარდოს ადიპონექტინის დონე, ჰორმონი, რომელიც გარკვეულ როლს ასრულებს სისხლში შაქრის დონის რეგულირებაში. გარდა ამისა, ქლიავში შემავალი ბოჭკო შეიძლება ნაწილობრივ პასუხისმგებელი იყოს სისხლში შაქრის დონის კონტროლზე.

ნახშირწყლების შემცველობის მიუხედავად, ქლიავი ნაკლებად იწვევს სისხლში შაქრის დონის მნიშვნელოვან მატებას მათი ჭამის შემდეგ. მიუხედავად ამისა, ადამიანებს, რომელთაც დიაბეტი ან ჭარბი წონა აწუხებთ ურჩევენ ქლიავის მოხმარების შეზღუდვა.

ქლიავმა შეიძლება ხელი შეუწყოს ძვლების ჯანმრთელობას - ზოგიერთმა კვლევამ დააკავშირა ქლიავის მოხმარება ოსტეოპოროზისა და ოსტეოპენიის რისკის შემცირებასთან. გარდა ამისა, კვლევა ვარაუდობს, რომ ქლიავის მოხმარებამ შეიძლება გაზარდოს გარკვეული ჰორმონების დონე, რომლებიც მონაწილეობენ ძვლის ფორმირებაში. ქლიავი ასევე შეიცავს რამდენიმე ვიტამინს და მინერალს, რომლებსაც აქვთ ძვლის დამცავი ეფექტი, მათ შორის K ვიტამინი, ფოსფორი, მაგნიუმი და კალიუმი.

ქლიავი შეიძლება სასარგებლო იყოს გულის ჯანმრთელობისთვის - ქლიავის რეგულარულად მოხმარებამ შესაძლოა დამცავი გავლენა მოახდინოს გულის ჯანმრთელობაზე. ჩატარებული კვლევის მიხედვით, ქლიავი ამცირებს წნევას და ქოლესტერინის დონეს, რაც გულის დაავადების ძირითადი რისკ-ფაქტორებია. ქლიავის ეს ეფექტი კი განპირობებულია ბოჭკოების, კალიუმისა და ანტიოქსიდანტების მაღალი შემცველობით.

როდის არ არის სასურველი ქლიავის მიღება

ქლიავში შემავალი ორგანული მჟავები ხელს უწყობს კუჭის წვენის გამოყოფას და სასარგებლოა კუჭის მჟავიანობის დაქვეითების დროს. აქედან გამომდინარე, მათ, ვისაც კუჭის მომატებული მჟავიანობა აწუხებთ, ამ ხილის დიდი რაოდენობით მიღებაზე უარი უნდა თქვან. აღსანიშნავია, რომ ქლიავი მადას აძლიერებს.

ამ ხილის მიღება რეკომენდებული არ არის არც კუჭის მომატებული მჟავიანობის ან კუჭ-ნაწლავის მწვავე ქრონიკული დაავადებების მქონე ადამიანებისთვის.

ქლიავის წვენი მიღება არ არის რეკომენდებული მცირე ასაკის ბავშვებისთვის, რადგან ამან შეიძლება მუცლის ტკივილი, ნაწლავის გაღიზიანება და დიარეა გამოიწვიოს.

ქლიავის მიღება არ არის სასურველი რევმატიზმისა და პოდაგრის დროს, რადგან შარდმდენი ეფექტის გამო ორგანიზმიდან ზედმეტი რაოდენობით სითხის გამოყოფა მოხდება.

ქლიავის ზედმეტი რაოდენობით მიღებამ შეიძლება კუჭის გადატვირთვა გამოიწვიოს, რასაც შედეგად დისკომფორტი და აირების წარმოქმნა მოჰყვება.

ჯანმრთელი ადამიანისთვის ქალიავის ოპტიმალური რაოდენობა დღეში 5 ცალს შეადგენს.