რომელი საკვების მიღება დაგეხმარებათ კუნთების კრუნჩხვის თავიდან აცილებაში
ის ნებისმიერ ადამიანს შეიძლება დაემართოს. კუნთების კრუნჩხვა მტკივნეული და ხანგრძლივია, ზოგჯერ კი კუნთი დიდხანს დაჭიმული რჩება. ხშირია ფეხის კუნთების კრუნჩხვები, მაგრამ კრუნჩხვა შეიძლება სხეულის ნებისმიერ წერტილში განვითარდეს.
კუნთების კრუნჩხვის გამომწვევი ზუსტი მიზეზი უცნობია, მაგრამ რისკ-ფაქტორები შეიძლება მოიცავდეს ცუდ ფიზიკურ მდგომარეობას, მინერალებისა და ელექტროლიტების დისბალანსს დეჰიდრატაციისა ან ინტენსიური ვარჯიშის გამო, დაჭიმულ, მოუქნელ კუნთებს. კუნთების კრუნჩხვა ასევე შეიძლება განვითარდეს მენსტრუაციის, ორსულობის, დიდი რაოდენობით ალკოჰოლის და გარკვეული მედიკამენტების მიღებისას.
არსებობს გარკვეული საკვები და სასმელი, რომელიც შეიცავს ელექტროლიტებს, არსებით მინერალებს, რამაც შეიძლება თავიდან აგაცილოთ კუნთების კრუნჩხვები.
რძე
რძე მდიდარია კალციუმით, მინერალით, რომელიც დაგეხმარებათ თავიდან აიცილოთ კუნთების კრუნჩხვა. კალციუმიკუნთებს საშუალებას აძლევს შეიკუმშოს და შემდეგ მოდუნდეს. თუ არ იღებთ საკმარის კალციუმს, შეიძლება უფრო მიდრეკილი იყოთ კუნთების კრუნჩხვისკენ. რძე ასევე მდიდარია D ვიტამინით, რომელიც ორგანიზმს კალციუმის ათვისებაში ეხმარება.
იოგურტი
ისევე, როგორც რძე, იოგურტი ასევე შეიცავს ყველა საჭირო ელექტროლიტურ მინერალს: კალციუმს, ფოსფორს, მაგნიუმს, ნატრიუმს და კალიუმს.
მწვანეფოთლოვანი ბოსტნეული
ისინი თქვენთვის სასარგებლოა კალიუმის შემცველობის გამო, რომელიც დაგეხმარებათ თავიდან აიცილოთ კუნთების კრუნჩხვები. კალიუმითა და სხვა ელექტროლიტებით მდიდარი ბოსტნეული მოიცავს ისპანახს, კომბოსტოს და მწვანილს.
ლობიო
ყველა სახის ლობიო მდიდარია ფოსფორით, რომელიც აუცილებელი ელექტროლიტური მინერალია. ფოსფორის გარეშე, კუნთების შეკუმშვა და მოდუნება არ ხდება, ამიტომ რაციონში მისი დამატება სასარგებლოა კუნთების კრუნჩხვის თავიდან ასაცილებლად.
ტკბილი კარტოფილი
ტკბილი კარტოფილის დაახლოებით 80% წყალია და მხოლოდ 1 ჭიქა კუბიკებად დაჭრილ კარტოფილში 400 მგ-ზე მეტი კალიუმია.
Პომიდორი
პომიდორი შეიცავს თითქმის 300 მგ კალიუმს და საკმაო რაოდენობით კალციუმს, ნატრიუმს და მაგნიუმს.
ორაგული
სავსეა ყველა ელექტროლიტური მინერალით, რომელიც საჭიროა კუნთების კრუნჩხვის რისკის შესამცირებლად. შეიცავს კალციუმს, კალიუმს, ნატრიუმს, მაგნიუმს და ასევე აქვს ჯანმრთელობის სხვა მრავალი სარგებელი.
ძვლის ბულიონი
ძვლის ბულიონი სასარგებლოა ჰიდრატაციისთვის, რადგან ის წყალს შეიცავს. ასევე მდიდარია ელექტროლიტური მინერალებით, როგორიცაა კალიუმი, კალციუმი, მაგნიუმი და ნატრიუმი. თითოეული მათგანი მნიშვნელოვანია სხეულის მრავალი ფუნქციისთვის, მათ შორის ნერვული იმპულსების სწორი გადაცემისთვის და კუნთების მოძრაობისთვის.
თხილეული
მაგნიუმი არის კიდევ ერთი ელექტროლიტური მინერალი, რომელიც ორგანიზმს ნორმალური ფუნქციონირებისათვის სჭირდება. იგი გამოიყენება ორგანიზმში 300-ზე მეტი ფერმენტის შესაქმნელად, მის გარეშე არ წარმოიქმნება ცილების, რთულდება კუნთების მოძრაობა, სისხლში შაქრის კონტროლი და ძვლების ზრდა. დიდი რაოდენობით მაგნიუმის შემცველი საკვების მიღებამ შეიძლება შეამციროს კუნთების კრუნჩხვის განვითარების რისკი. იმისათვის, რომ მიიღოთ მაგნიუმი მიიღეთ შემდეგი პროდუქტები: გოგრის თესლი, ჩიას თესლი, ნუში, ქეშიუ, არაქისი.
ნესვი
შეიცავს დაახლოებით 90% წყალს, რომელიც დაგეხმარებათ ჰიდრატაციაში და დაგიცავთ კუნთების კრუნჩხვისგან. წყლის გარდა შეიცავს კალციუმს, კალიუმს, მაგნიუმსა და ნატრიუმს.
ბანანი
ერთი საშუალო ზომის ბანანი შეიცავს 400 მილიგრამზე (მგ) კალიუმს. გარდა ამისა, ბანანი შეიცავს სხვა ელექტროლიტებს, რომლებიც დაგეხმარებათ შეამციროთ კუნთების კრუნჩხვის რისკი, მათ შორის ნატრიუმი, მაგნიუმი და კალციუმი. ბანანი ასევე არის ბოჭკოს, ჯანსაღი მცენარეული ნაერთების და ისეთი ვიტამინების წყარო, როგორიცაა: A ვიტამინი, B6 ვიტამინი, C ვიტამინი.
ავოკადო
ავოკადო შეიცავს დიდი რაოდენობით კალიუმს - დაახლოებით 1000 მგ მხოლოდ ერთ ავოკადოში. ამას გარდა, შეიცავს ჯანსაღ ცხიმებს, კალციუმს, მაგნიუმს და ნატრიუმს.
ზეთისხილი
შესანიშნავი არჩევანია, თუ ცდილობთ შეამსუბუქოთ კუნთების კრუნჩხვით გამოწვეული ტკივილი და თავიდან აიცილოთ ის. ზეთისხილი ამარაგებს ორგანიზმს ნატრიუმით. გარდა ამისა, ისმდიდარია სხვა მინერალებით, როგორიცაა კალიუმი, მაგნიუმი და კალციუმი.
ქოქოსის წყალი
ოფლიანობისას კარგავთ წყალსაც და ელექტროლიტებსაც, განსაკუთრებით ნატრიუმს. ქოქოსის წყალი ნატრიუმის კრაგი წყაროა. წყლისა და ნატრიუმის მარაგის შევსება გამაგრილებელი ქოქოსის წყლით შეიძლება სასარგებლო იყოს, თუ ცდილობთ კუნთების კრუნჩხვების შემსუბუქებას.