მარიამ ფოლადაშვილი

საყურადღებოა, რომ ,,უმი” ქეშიუ არ არის უსაფრთხო საკვები, რადგან ის შეიცავს ნივთიერებას, რომელიც ცნობილია, როგორც ურუშიოლი. იგი ტოქსიკური ნივთიერებაა, რომელიც ქეშიუს გარდა გვხვდება მანგოში, ფისტაში, შხამიან სუროში.

ურუშიოლთან კონტაქტი ჩვეულებრივ იწვევს ალერგიულ კონტაქტურ დერმატიტს, ადამიანებში კანის გამონაყარს, რომელიც შხამიანი სუროს ზემოქმედების მსგავსია.

ურუშიოლით გამოწვეული კანის გამონაყარი იწვევს ქავილის, ანთებას და შესაძლებელია აღინიშნებოდეს სეკრეციაც, რაც პოტენციურად იწვევს ძლიერ წვის შეგრძნებას ან ლოკალიზებულ შეშუპებას.

ქეშიუს თხილის, რომელიც ჯერ კიდევ ნაჭუჭშია, აღება და მზეზე გაშრობა შესაძლებელია, რაც დამოკიდებულია წარმოების პროცესზე, თუმცა, ასეთი ქეშიუ არ იყიდება ურუშიოლის ზემოქმედების რისკის გამო.

უმი ქეშიუ შემდეგ მუშავდება მაღალ ტემპერატურაზე ან ორთქლზე, რათა მოაცილონ ურუშიოლის ნარჩენები. შედეგად, მიღებული პროდუქტი უსაფრთხოა საკვებად. ამ მომენტში, ქეშიუ ხშირად ეტიკეტირებულია როგორც ნედლეული.

უსაფრთხოა თუ არა მაღაზიაში ნაყიდი ქეშიუ?

ქეშიუს დამუშავება ორთქლზე და მაღალ ტემპერატურაზე აშორებს ურუშიოლს, რაც მას უსაფრთხოს ხდის მოხმარებისთვის. სწორედ ამიტომ, ქეშიუ, როგორც წესი, მაღაზიებში, ნაჭუჭით არ იყიდება.

ქეშიუს სარგებელი

თხილის უმეტესობის მსგავსად, ქეშიუ დაგეხმარებათ ჯანმრთელობის გაუმჯობესებაში. ის დაკავშირებულია უპირატესობებთან, როგორიცაა სისხლში შაქრის კონტროლის გაუმჯობესება და გულის ჯანმრთელობა.

მდიდარია ნუტრიენტებით

კეშიუ მდიდარია მთელი რიგი საკვები ნივთიერებებით. ერთი პორცია, დაახლოებით 28 გრამი ქეშიუ შეიცავს:

• კალორია - 157;
• ცილა - 5 გრ;
• ცხიმი - 12 გრ;
• ნახშირწყლები - 9 გრ;
• ბოჭკო - 1 გრ;
• სპილენძი - დღიური ღირებულების 69%;
• მაგნიუმი - დღიური ღირებულების 20%;
• მანგანუმი - დღიური ღირებულების 20%;
• თუთია - დღიური ღირებულების 15%;
• ფოსფორი - დღიური ღირებულების 13%;
• რკინა - დღიური ღირებულების 11%;
• სელენი - დღიური ღირებულების 10%;
• თიამინი: დღიური ღირებულების 10%;
• K ვიტამინი - დღიური ღირებულების 8%;
• B6 ვიტამინი - დღიური ღირებულების 7%

ქეშიუ განსაკუთრებით მდიდარია უჯერი ცხიმებით

უჯერი ცხიმები უკავშირდება ნაადრევი სიკვდილის და გულის დაავადებების დაბალ რისკს.

ქეშიუ შეიცავს სპილენძის მნიშვნელოვან რაოდენობას

სპილენძი აუცილებელია ენერგიის წარმოებისთვის, ჯანსაღი ტვინის განვითარებისა და ძლიერი იმუნური სისტემისთვის. ის ასევე არის მაგნიუმის და მანგანუმის წყარო, ნუტრიენტების, რომლებიც მნიშვნელოვანია ძვლების ჯანმრთელობისთვის.

შეიცავს სასარგებლო მცენარეულ ნაერთებს

თხილეული განიხილება ანტიოქსიდანტურ ძალად და არც ქეშიუა გამონაკლისი. ანტიოქსიდანტები არის სასარგებლო მცენარეული ნაერთები, რომლებიც უნარჩუნებენ სხეულს სიჯანსაღეს დაზიანების გამომწვევი მოლეკულების, თავისუფალი რადიკალების ნეიტრალიზებით. თავის მხრივ, ეს ხელს უწყობს ანთების შემცირებას და ხელს უწყობს ჯანმრთელობის შენარჩუნებას. ქეშიუ არის პოლიფენოლებისა და კაროტინოიდების წყარო

თხილეული მდიდარია ცილებით და ბოჭკოებით

ცილები და ბოჭკოები ამცირებენ შიმშილის გრძნობას და უნარჩუნებენ ორგანიზმს სისავსის გრძნობას, რაც ხელს უწყობს წონის დაკლებას.

შესაძლოა გააუმჯობესოს გულის ჯანმრთელობა

თხილეულით მდიდარი დიეტა, მათ დაკავშირებულია ინსულტისა და გულის დაავადებების შემცირებულ რისკთან.

შეიძლება სასარგებლო იყოს ტიპი 2 დიაბეტის მქონე ადამიანებისთვის

ტიპი 2 დიაბეტის მქონე ადამიანებს შეუძლიათ ისარგებლონ დიეტაში ქეშიუს დამატებით. ქეშიუ არის ბოჭკოს კარგი წყარო, მკვებავი ნივთიერება, რომელიც ხელს უწყობს სისხლში შაქრის მატების თავიდან აცილებას.

რაფინირებული ნახშირწყლებისა და შაქრის შემცველი საკვების ჩანაცვლება ქეშიუთი, სავარაუდოდ, ხელს შეუწყობს სისხლში შაქრის დონის შემცირებას.