მარიამ ფოლადაშვილი

ყველა ზრდასრულმა უნდა გაიაროს არტერიული წნევის მონიტორინგი წელიწადში ერთხელ მაინც.

არტერიული წნევა მერყეობს დღის განმავლობაში, რაც იმას ნიშნავს, რომ ერთი იზოლირებული მაჩვენებელი არ იძლევა ზუსტ ინფორმაციას.

თუ თქვენ ამოწმებთ არტერიულ წნევას, როდესაც ხართ სტრესულ მდგომარეობაში, სავარაუდოდ, ის მაღალი იქნება.

თანმიმდევრული, განმეორებითი გაზომვები იძლევა ბევრად უფრო ზუსტ შეფასებას, ვიდრე შემთხვევითი გაზომვები.

მიზანშეწონილია არტერიული წნევის გაზომვა ოთხჯერ დღეში , ორჯერ დილით და ორჯერ საღამოს ზედიზედ შვიდი დღის განმავლობაში.

ატრერიული წნევის გაზომვისას:

თამბაქოს, კოფეინის, ალკოჰოლის მოხმარების ან ვარჯიშის შემდეგ, დაელოდეთ მინიმუმ 30 წუთი - კოფეინი და ნიკოტინი ავიწროებენ სისხლძარღვებს და აძლიერებენ გულისცემას, რამაც შეიძლება გაზარდოს არტერიული წნევა. ალკოჰოლი აფართოებს სისხლძარღვებს, რაც არტერიული წნევის დაქვეითებას უწყობს ხელს. ვარჯიში ზრდის გულისცემას და არტერიულ წნევას.

დაცალეთ შარდის ბუშტი - სავსე შარდის ბუშტს შეუძლია ზეწოლა მოახდინოს და შეამციროს თირკმელებში სისხლის მიმოქცევა. ამაზე სხეულის ბუნებრივი რეაქცია არტერიული წნევის აწევაა.

მოთავსდით კომფორტულად, მკლავი განათავსეთ გულის სიმაღლეზე.

იჯექით მშვიდად რამდენიმე წუთის განმავლობაში ისე, რომ არ გაგიფანტოთ ყურადღება, ტელევიზორმა, ტელეფონმა, ან საუბარი.