მარიამ ფოლადაშვილი

თუ სტრესული მოვლენები ხანმოკლეა, მაშინ ორგანიზმი მალე უბრუნდება საწყის ფორმას. ხოლო, თუ რამდენიმე კვირიდან რამდენიმე თვემდე გრძელდება, მაშინ სხეული ქრონიკული სტრესის ქვეშ იმყოფება. ამ ტიპის ქრონიკულმა სტრესმა შეიძლება ზიანი მიაყენოს სხეულს, გამოიწვიოს დისბალანსი, გააუარესოს ძილი და საერთო ჯანმრთელობა.

თუმცა, ცხოვრების წესში მარტივი ცვლილებების შეტანა ხელს უწყობს სტრესის მართვას. კვება, ვარჯიში, ძილი სასარგებლოა სხეულის გამძლეობის გასაძლიერებლად. საკვები, რომელიც ამაში დაგეხმარებათ:

მიირთვით C ვიტამინით მდიდარი საკვები

კვლევებმა აჩვენა, რომ როდესაც სტრესში ვართ, სხეული მოიხმარს მეტ C ვიტამინს. ვინაიდან C ვიტამინი წყალში ხსნადია და ორგანიზში არ მარაგის სახით არ გროვდება, მნიშვნელოვანია, რომ მაქსიმალურად გავზარდოთ C ვიტამინით მდიდარი საკვების მიღება. C ვიტამინის ყოველდღიური მოთხოვნილება მოზრდილებისთვის არის 40 მგ.

C ვიტამინის წყაროებია: აცეროლა, კივი, მარწყვი, ჟოლო, მოცვი, შავი მოცხარი, ფორთოხალი, ლიმონი, ბროკოლი, ბრიუსელის კომბოსტო, კალე.

დაეხმარეთ ორგანიზმს სტრესის წინააღმდეგ ბრძოლაში B ვიტამინით

C ვიტამინის მსგავსად, B ვიტამინიც წყალში ხსნადია და მისი რაოდენობა მცირდება ორგანიზმში სტრესის დროს. არსებობს რვა აუცილებელი B ჯგუფის ვიტამინი.

ზოგიერთმა კვლევამ აჩვენა, რომ ქრონიკული სტრესი ამცირებს B6 ვიტამინის დონეს ორგანიზმში. კვლევამ ასევე აჩვენა სამუშაოსთან დაკავშირებული სტრესის 20%-ით შემცირებაიმ პირებში, ვინც მოიხმარს B ჯგუფის ვიტამინს. B ჯგუფის ვიტამინები შეიძლება ეფექტური იყოს განწყობის მდგომარეობის გასაუმჯობესებლად.

B ჯგუფის ვიტამინების მიღება შეგიძლიათ: მთლიანი მარცვლეულიდან, ხორციდან, თევზიდან, კვერცხიდან, რძის პროდუქტებიდან, პარკოსნებიდან, მარცვლეულიდან.

მოერიდეთ ყავას

იმ ადამიანებში, რომლებიც სტრესის ქვეშ არიან და განსაკუთრებით გადატვირთულნი არიან ან არ სძინავთ საკმარისად, ყავამ შეიძლება გაამწვავოს სტრესი და შეგიქმნათ ძილის პრობლემები. კოფეინი ასტიმულირებს კორტიზოლის და ადრენალინის გამოყოფას. ეს პრობლემად იქცევა, როდესაც სხეულს მუდმივად აქვს კორტიზოლის მაღალი დონე. დალიეთ წყალი ყავის ნაცვლად ან შეცვალეთ ყავა მცენარეული ჩაით. გაზიანი სასმელები და ენერგეტიკული სასმელები შეიცავს კოფეინს კიდევ უფრო მეტ რაოდენობას, ამიტომ რეკომენდებულია მათი თავიდან აცილება.

შეამცირეთ მარილი, ნაჯერი ცხიმები, შაქარი და გადამუშავებული საკვები, რადგან ისინი ახანგრძლივებენ სტრესის სიმპტომებს. ამის ნაცვლად, მიირთვით მეტი ბოსტნეული.

მიიღეთ პროტეინები და ბოჭკო.