მარიამ ფოლადაშვილი

მაგრამ არის სიტუაციები, როდესაც დანამატების მიღება ღირს. არის შემთხვევები, როდესაც მხოლოდ კვება არ იძლევა საჭირო ვიტამინებისა და მინერალების დოზებს. ზოგიერთი დანამატი შეიძლება შეიცავდეს ინგრედიენტებს, რომლებიც არ გვხვდება საკმარისად საკვებში და ჯანმრთელობის მდგომარეობის გათვალისწინებით, ვიტამინებისა და მინერალების საჭიროება ჩვეულებრივზე მაღალია.

დარწმუნდით, რომ მიმართეთ ექიმს, სანამ დაიწყებთ რაიმე დანამატს ან რაიმე მნიშვნელოვან დიეტურ ცვლილებას.

არსებობს შემდეგი სიტუაციები როდესაც აუცილებელი ხდება დანამატის მიღება:

ანემია

საკმარისი რკინის გარეშე, ორგანიზმი ვერ წარმოქმნის ჰემოგლობინს, რომელიც ეხმარება ჟანგბადის გადატანას ყველა ქსოვილში. ამ მიზეზით, რკინადეფიციტურმა ანემიამ შეიძლება გაგიჩინოთ სისუსტე, დაღლილობა, თავბრუსხვევა და თავის ტკივილი. ეს მდგომარეობა ჩვეულებრივ ადვილად განკურნებადია დანამატებით. C ვიტამინის მიღება რკინის შეწოვას აძლიერებს.

ტიპი 2 დიაბეტი

არსებობს მრავალი დანამატი, რომლებიც აცხადებენ, რომ ეხმარება დიაბეტის მართვას.

D ვიტამინის დამატება შესაძლოა სასარგებლო იყოს ტიპი 2 დიაბეტის მქონე ადამიანებისთვის, რომლებსაც აქვთ ვიტამინის დეფიციტი. ამერიკული დიაბეტის ასოციაციის თანახმად, D ვიტამინის ნაკლებობამ შეიძლება ხელი შეუწყოს ინსულინის მიმართ რეზისტენტობას. დანამატის მიღების წინ აუცილებელია ექიმთან კონსულტაცია.

იცავთ ვეგანურ ან ვეგეტარიანულ დიეტას

ვეგანურ ან ვეგეტარიანულ დიეტას შეიძლება ჰქონდეს ჯანმრთელობისთვის სარგებელი, მათ შორის წონის დაკლება და ქოლესტერინის შემცირება. მიუხედავად ამისა, ცხოველური პროდუქტების რაციონიდან ამოღებამ შეიძლება გამოიწვიოს საკვები ნივთიერებების დეფიციტი. B 12 ვიტამინის დამატება კარგი იდეაა ვეგანური ცხოვრების წესის გათვალისწინებისას.

სხვა საკვები ნივთიერებები, რომლებიც უნდა განიხილონ, თუ მიირთმევთ მცენარეულ საკვებს, მოიცავს კალციუმს და D ვიტამინს.

ქრონიკული უძილობისას.

მენოპაუზის დროს.

საჭმლის მომნელებელი პრობლემებისას.