ტოპ 7 შეცდომა, რომელიც ანგრევს სიყვარულს ქორწინებაში
რომლებიც ზიანს აყენებს მათ ურთიერთობას, აღნიშნა ამერიკელმა ოჯახის ფსიქოთერაპევტმა კეიტლინ კანტორმა, რომლის სტატია გამოქვეყნდა ჟურნალ Psychology Today-ში.
ინფორმირებულობა პირველი ნაბიჯია სიყვარულის აღდგენის გზაზე.
1. თითოეული თქვენგანი ცხოვრობს საკუთარ „ნაჭუჭში“.
თქვენ შორის ნორმალური კომუნიკაცია დარღვეულია და თითოეული თქვენგანი აკეთებს გარკვეულ დასკვნებს მეორის განწყობის, აზრებისა და განზრახვების შესახებ, საკუთარი ვარაუდების საფუძველზე. ძირითადად საკუთარ თავთან გაქვთ ურთიერთობა და არა ერთმანეთთან. ურთიერთობაში ყოფნა ნიშნავს ორი „ნაჭუჭის“ ერთად გადაქცევას.
2. პასუხისმგებლობა ერთმანეთზე გადაგაქვთ.
თქვენ ყოველთვის ხართ პასუხისმგებელი საკუთარ საქციელზე, გაქვთ არჩევანი, როგორ მოიქცეთ. პარტნიორის დადანაშაულებით, თქვენ ზღუდავთ საკუთარ შესაძლებლობებს ცვლილების, პიროვნული ზრდისა და განვითარების კუთხით. თითოეული თქვენგანი პასუხისმგებელია იმაზე, რაც თქვენს ურთიერთობაში ხდება, ამიტომ პარტნიორის დადანაშაულების ნაცვლად იმუშავეთ თქვენი მხრიდან.
3. თავს არიდებთ სერიოზულ საუბრებს.
როდესაც თავს იტყუებთ, რომ არაფერი ხდება, პრობლემები იზრდება. თქვენ უნდა იპოვოთ ძალა საკუთარ თავში და დაიწყოთ მსჯელობა იმაზე, თუ რა ხდება თქვენს შორის, წინააღმდეგ შემთხვევაში ეს მხოლოდ გაუარესებს მდგომარეობას.
4. ერთმანეთს ისე ექცევით, როგორც მეზობლები.
დროა გაიზარდოთ და შეწყვიტოთ ერთმანეთზე შთაბეჭდილების მოხდენის მცდელობა და იმის დამტკიცება, თუ ვინ არის ყველაზე მაგარი - ნაცვლად იმისა, რომ მთელი რესურსი დახარჯოთ თქვენი სიყვარულისა და ურთიერთობის შესანარჩუნებლად.
5. არასდროს იხდით ბოდიშს.
მარტივ სიტყვას "მაპატიე" დიდი მნიშვნელობა აქვს. როცა ამას ამბობთ, აჩვენებთ, რომ პასუხისმგებლობას იღებთ თქვენს ქმედებებზე, რამაც ტკივილი გამოიწვია. ბევრი წყვილი გაუთავებლად არკვევს, ვინ არის მართალი და ვინ არა, და თითოეული პარტნიორი მზადაა ბოლომდე დაიცვას თავი, რითაც ურთიერთობას ჩიხში და დასასრულამდე მიიყვანს.
6. თქვენ ელით, რომ სექსი ყოველთვის სპონტანური იქნება.
თქვენი ცხოვრება ძალიან დატვირთულია და მოვლენები, რომლებიც კონკრეტულად არ იყო დაგეგმილი და არ არის პრიორიტეტული, უბრალოდ არასოდეს მოხდება. შეიძლება ფიქრობთ, რომ სექსისთვის წინასწარ დაგეგმვა ძალიან არასექსუალურია, მაგრამ ეს ასე არ არის.
დაგეგმილი სექსი შეიძლება იყოს ისეთივე ვნებიანი და სასიამოვნო, როგორც სპონტანური სექსი.
ასე რომ, თუ გსურთ ქორწინებაში შეინარჩუნოთ სექსუალური ცხოვრება, ან გახადოთ ის უფრო ენერგიული და მდიდარი, მოგიწევთ მისი დაგეგმვა, დროდადრო მაინც.
7. თქვენ იღებთ პასუხისმგებლობას პარტნიორის ემოციებზე.
თქვენ, სავარაუდოდ, არ გსურთ განზრახ ზიანი მიაყენოთ თქვენს პარტნიორს, მაგრამ ზოგჯერ მოგიწევთ გამოთქვათ გარკვეული პრეტენზიები, გაუზიაროთ მასთან დაკავშირებული გრძნობები და პრობლემები. მნიშვნელოვანია ვისწავლოთ ამ მომენტის გადალახვა.