რა უნდა მიირთვათ, როდესაც დილით მადა არ გაქვთ
მაგრამ რა უნდა გააკეთოთ იმ შემთხვევაში, როცა არ გშიათ? საუზმის გამოტოვებით გამოწვეული შიმშილი და სისხლში შაქრის დაქვეითება იწვევს შფოთვას და აძლიერებს კვებითი აშლილობების განვითარების რისკს. საუზმის გამოტოვება ხშირად იწვევს მეტი საკვების მიღებას დღის განმავლობაში, რამაც შეიძლება წონაში მატება გამოიწვიოს.
არსებობს მრავალი მიზეზი, რის გამოც შეიძლება დილით არ იგრძნოთ შიმშილი, მაშინაც კი, თუ თქვენს სხეულს ენერგია სჭირდება:
ჰორმონების დარღვევამ შეიძლება გამოიწვიოს უმადობა დილით, მაშინ, როცა გრელინის(შიმშილის ჰორმონი) დონე უფრო დაბალია, ხოლო ლეპტინის (სისავსის ჰორმონი) უფრო მაღალი. ძილის დარღვევამ, მედიკამენტებმა და ჯანმრთელობის მდგომარეობამ შეიძლება გააძლიეროს უმადობა. შფოთვა, დეპრესია და სტრესი ასევე გავლენას ახდენს მადაზე. ყავა მადას თრგუნავს, ასე რომ, თუ გაღვიძების შემდეგ პირველს ყავას სვამთ, ამან შესაძლოა უმადობა გამოიწვიოს.
რა უნდა გააკეთოთ, როდესაც დილით მადა არ გაქვთ
მოიცადეთ - კარგია, რომ გაღვიძების შემდეგ ცოტა ხანს დაელოდოთ, უბრალოდ ეცადეთ, ძალიან დიდხანს არ დააყოვნოთ.
დალიეთ ჯანჯაფილის ჩაი.
იმოძრავეთ - მცირე 5-10 წუთიანი მოძრაობა დაგეხმარებათ მადის სტიმულირებაში.
ნუ მიიღებთ ყავას უზმოზე - ვინაიდან ყავას შეუძლია მადას დათრგუნვა, ყავა მიიღეთ საუზმის შემდეგ.
მოძებნეთ უმადობის სხვა მიზეზები - ზოგჯერ უმადობა შეიძლება გამოწვეული იყოს ისეთი მიზეზების შედეგად, როგორიცაა შფოთვა, სტრესი, დაღლილობა.
რა უნდა მიირთვათ, როდესაც დილით მადა არ გაქვთ
აქ მოცემულია რამდენიმე იდეა, თუ რა უნდა მიირთვათ, როდესაც დილით მადა არ გაქვთ. ზოგიერთი მაგალითი მოიცავს:
სმუზი - შეეცადეთ დაბალანსებული საუზმისთვის თქვენს სმუზში შეიტანოთ ცხიმის, ცილების და ნახშირწყლების წყარო. მაგალითად, დაამატეთ კოვზი არაქისის კარაქი, ცოტა იოგურტი, შვრია გაყინულ ხილთან და რძესთან ერთად. შეგიძლიათ მიიღოთ ჭიქა წვენი ან რძე, მშრალი მარცვლეული, Ჩირი.
