მარიამ ფოლადაშვილი

კოფეინს გააჩნია როგორც დადებითი, ისე უარყოფითი ეფექტი.

კოფეინი ასტიმულირებს ცენტრალურ ნერვულ სისტემას, რაც იწვევს გულის აჩქარებას.

ზოგიერთ ადამიანს უფრო მაღალი მგრძნობელობა აქვს კოფეინის მიმართ, ვიდრე სხვებს და ზოგიერთი ადამიანისთვის, კოფეინის დალევის ერთ-ერთი ეფექტი შეიძლება იყოს გულის პალპიტაცია ან არარეგულარული გულისცემა.

რაც შეეხება კოფეინს და ჰიპერტენზიას, ადამიანებს, რომლებსაც აწუხებთ ეს მდგომარეობა, უმჯობესია თვალყური ადევნონ იმას, თუ რა რაოდენობით კოფეინს მოიხმარენ. კოფეინმა ზოგჯერ შეიძლება გამოიწვიოს არტერიული წნევის ხანმოკლე, მაგრამ მნიშვნელოვანი მატება. თუ გაქვთ ჰიპერტენზია, ესაუბრეთ ექიმს, რათა გაიგოთ, რამდენად უსაფრთხოა კოფეინი თქვენთვის.

კოფეინის ზოგიერთი სარგებელი გულის ჯანმრთელობისთვის

თუ არ აჭარბებთ კოფეინის დღიურ დოზას, მკვლევარებმა დაადგინეს, რომ კოფეინს (განსაკუთრებით ყავაში არსებულს), შეიძლება ჰქონდეს გულიზე სასარგებლო ეფექტი. ყავა შეიცავს ფიტოქიმიკატებს, რომლებსაც შეუძლიათ ანთების შემცირება. ანთებამ შეიძლება გამოიწვიოს გულის უკმარისობა და ათეროსკლეროზი. ყავის დალევა ხელს შეუწყობს მის თავიდან აცილებას. სხვა კვლევებმა აჩვენა, რომ კოფეინს შეუძლია იმოქმედოს როგორც ანტიოქსიდანტი, რაც ამცირებს დიაბეტის რისკი.

კვლევებმა აჩვენა, რომ დღეში 400 მგ-მდე კოფეინის მიღება უსაფრთხოა მოზრდილთა უმეტესობისთვის. ეს უდრის დაახლოებით ორ ფინჯან ყავას დღეში.

თუმცა, კოფეინის მაღალმა მიღებამ შეიძლება გამოიწვიოს მავნე გვერდითი მოვლენები. დღეში ოთხზე მეტ ფინჯან ყავას შეუძლია გაზარდოს გულისცემა, არტერიული წნევა, სტრესის დონე, ინფარქტის ან ინსულტის რისკი. ეს განსაკუთრებით ეხება იმ ადამიანებს, რომლებიც არ არიან მიჩვეულები დიდი რაოდენობით კოფეინის მოხმარებას.

თუმცა, თუ ზომიერად სვამთ კოფეინს, შეზღუდული რაოდენობა არ დააზარალებს გულს.

ესპრესო - მიუხედავად იმისა, რომ ესპრესო შეიცავს უფრო მეტ კოფეინს, ვიდრე ჩვეულებრივი ყავას, მისი პორციის გამო მასში ნაკლებია კოფეინის რაოდენობა. ესპრესოს ერთი დოზა(დაახლოებით 30-50 მლ) შეიცავს დაახლოებით 63 მგ კოფეინს. ესპრესოს ორმაგი დოზა კი შეიცავს დაახლოებით 125 მგ კოფეინს.

ჩაი - 40-დან 120 მილიგრამამდე კოფეინს შეიცავს.

გამაგრილებელი სასმელები - 20-დან 40 მილიგრამამდე კოფეინს შეიცავს.

დღეში 500 მილიგრამზე მეტი კოფეინის დალევამ შეიძლება გამოიწვიოს კოფეინით ინტოქსიკაცია. ეს მოიცავს არასასიამოვნო და ზოგჯერ სერიოზულ სიმპტომებს, როგორიცაა:

• მაღალი წნევა;
• უძილობა;
• პანიკის შეტევები;
• კუჭის გაზრდილი მჟავიანობა;
• ნაწლავის გაღიზიანება;
• შფოთვა

თუ გრძნობთ კოფეინის გვერდით ეფექტებს ან უბრალოდ გსურთ ნაკლები მოხმარება, სცადეთ შეცვალოთ კოფეინიანი სასმელი არაკოფეინირებული სასმელით, როგორიცაა: უკოფეინო ყავა, კოფეინის გარეშე მცენარეული ჩაი, გაზიანი წყალი გამაგრილებელი სასმელის ან კოფეინირებული ენერგეტიკული სასმელის ნაცვლად.

თუ კოფეინის მოხმარების შემცირებას გადაწყვეტთ, სცადეთ ამის გაკეთება რამდენიმე დღის განმავლობაში, ნელ-ნელა. ძალიან სწრაფად გაკეთებამ შეიძლება გამოიწვიოს მოხსნის სიმპტომები, როგორიცაა გონების დაბინდვა, ძილიანობა, თავის ტკივილი, სისუსტე.