მარიამ ფოლადაშვილი

მტკიცებულებები ვარაუდობენ, რომ მონოუჯერი ცხიმები დადებითად მოქმედებს გულის ჯანმრთელობაზე. გარდა ამისა, ნუში ცნობილია, როგორც მარტივი, ჯანსაღი წასახემსებელი.

ნუში არის ბოჭკოს, ცილების, ჯანსაღი ცხიმების, E ვიტამინის, მაგნიუმის, ფოსფორის და კალიუმის მდიდარი წყარო. ეს საკვები ნივთიერებები მნიშვნელოვან როლს ასრულებენ სხეულის ბევრ ფუნქციაში, როგორიცაა ენერგიის წარმოება, უჯრედების ზრდა და იმუნური ფუნქცია.

ჯანსაღი ცხიმების კარგი წყარო - ნუში შეიძლება ცხიმიანია, თუმცა ის მდიდარია მონოუჯერი და პოლიუჯერი ცხიმებით, რომლებიც ითვლება "ჯანსაღ" ცხიმებად. ეს ცხიმები კარგია გულისთვის, რადგან მათ შეუძლიათ შეამცირონ ცუდი ქოლესტერინი და გაზარდონ კარგი ქოლესტერინი.

ნახშირწყლების დაბალი შემცველობა - ნუშს აქვს ნაკლები ნახშირწყალი სხვა თხილთან შედარებით და კარგი არჩევანია დიაბეტის მქონე ადამიანებისთვის. ნუშში არსებული ბოჭჯო ინარჩუნებს სისხლში შაქარს უფრო სტაბილურად, რაც ამცირებს სისხლში შაქრის მომატების რისკს.

კალციუმის მაღალი შემცველობა - კალციუმის მაღალი შემცველობის გამო, ნუში ხელს უწყობს ძვლებისა და კბილების ჯანმრთელობას. გარდა ამისა, ის შეიცავს მაგნიუმს, თუთიას, K ვიტამინს და მანგანუმს, რაც ასევე ხელს უწყობს ძვლების ჯანმრთელობას.

მდიდარია ანტიოქსიდანტებით - ნუში არის ანტიოქსიდანტების კარგი წყარო, მათ შორის E ვიტამინის და ფლავონოიდებს. ეს ხელს უწყობს უჯრედების დაცვას თავისუფალი რადიკალებისა და ოქსიდაციური სტრესით გამოწვეული დაზიანებისგან. 2022 წლის მეტა-ანალიზმა აჩვენა, რომ დღეში დაახლოებით 60 გრამი ნუშის მიღება ხელს უწყობს ორგანიზმში ანთების შემცირებას. ნუში განსაკუთრებით ცნობილია E ვიტამინის მაღალი შემცველობით, რომელიც არის ანტიოქსიდანტი, იცავს თავის ტვინს ოქსიდაციური სტრესისა და ანთებისგან.

არის თუ არა განსხვავება მოხალული დამარილებულ და არომატიზებულ ნუშის შორის?

ნუშის მოხალვა ხელს შეუწყობს ნუშის ბუნებრივი ზეთების გამოტანას, რაც მათ უფრო არომატულს ხდის, თუმცა გაითვალისწინეთ, რომ ზოგიერთი ანტიოქსიდანტი შეიძლება დაიკარგოს გათბობის პროცესში. ასე რომ, მეტი სარგებლის მისაღებად აირჩიეთ მოუხალავი ნუში.

არომატიზირებული ნუში არის ნუში, რომელიც დაფარულია არომატით. ეს შეიძლება იყოს ტკბილი არომატები, როგორიცაა თაფლი, დარიჩინი ან შოკოლადი. არომატიზატორები შეიძლება დაემატოს ნუშს მოხალვამდე ან მის შემდეგ. გასათვალისწინებელია, რომ ასეთი ნუში შეიძლება შეიცავდეს არაჯანსაღ ზეთებს, დამატებულ მარილს და შაქარს, რამაც შეიძლება ხელი შეუწყოს სისხლში შაქრის, არტერიული წნევის, ანთების და ქოლესტერინის მატებას. მნიშვნელოვანია, ყურადღებით წაიკითხოთ ეტიკეტები და აირჩიოთ ბრენდები, რომლებიც იყენებენ ბუნებრივ ინგრედიენტებს.