მარიამ ფოლადაშვილი

მაყვალს ჯანმრთელობისთვის მრავალი სარგებელი აქვს:

აძლიერებს იმუნურ ფუნქციებს - მაყვალი C ვიტამინის, K ვიტამინისა და მანგანუმის კაარგი წყაროა. ორგანიზმი დამოკიდებულია ამ საკვებ ნივთიერებებზე შემდეგი ფუნქციების შესასრულებლად:

• C ვიტამინი მნიშვნელოვანია ძლიერი იმუნური სისტემისთვის, ჭრილობების სამკურნალოდ და რკინის შეწოვის გაძლიერებისთვის. მას ასევე შეუძლია იმოქმედოს როგორც ანტიოქსიდანტი, ებრძვის თავისუფალ რადიკალებს, რამაც შეიძლება გამოიწვიოს კიბო;
• K ვიტამინი მნიშვნელოვანი ფაქტორია სისხლის შედედებისა და ძვლების ჯანმრთელობისათვის;
• მანგანუმი მონაწილეობს ენერგიის გამომუშავებაში, უჯრედების დაზიანებისგან დაცვაში, იმუნიტეტის გაძლიერებაში, ძვლების ზრდაში, რეპროდუქციასა და სისხლის შედედებაში

აუმჯობესებს საჭმლის მონელებას და სისხლში შაქრის დონეს - მაყვალი შეიცავს ბოჭკოს. არსებობს ორი სახის ბოჭკოს:

• უხსნადი ბოჭკო გადადის საჭმლის მომნელებელ სისტემაში. ვინაიდან, ის არ იშლება, ხელს უწყობს საკვებისა და ნარჩენების მოძრაობას და ხელს უშლის შებერილობას.
• ხსნადი ბოჭკო კი იშლება ნაწლავებში და გადადის სისხლში. ეს ხელს უწყობს "ცუდი" ქოლესტერინის შემცირებას და სისხლში შაქრის დონის კონტროლს.

ბოჭკოვანი საკვების მიღება დაგეხმარებათ:

• აკონტროლოთ წონა;
• შეამციროთ ქოლესტერინი;
• დაარეგულიროთ სისხლში შაქრის დონე

თქვენი ასაკისა და სქესიდან გამომდინარე, საჭიროა დღეში 25-დან 40 გრამამდე ბოჭკო.

ამცირებს ანთებას - მაყვალი სავსეა ძლიერი ანტიოქსიდანტებით, რომელსაც პოლიფენოლები ეწოდება. ანტიოქსიდანტები გეხმარებათ სტრესის წინააღმდეგ ბრძოლაში არასტაბილური მოლეკულების განადგურებით, რომელსაც ეწოდება თავისუფალი რადიკალები. მაყვალი მდიდარია პოლიფენოლით, რომელსაც ეწოდება ანტოციანინი. იგი შეიძლება სასარგებლო იყოს ანთების სამკურნალოდ.

ხელს უშლის გულ-სისხლძარღვთა დაავადებების განვითარებას - მაყვალში შემავალი ანტოციანინები ასევე შეიძლება დაეხმაროს გულ-სისხლძარღვთა დაავადებებისა და ისეთი მდგომარეობის პრევენციას, რომლებიც გავლენას ახდენენ გულსა და სისხლძარღვებზე.

იცავს და აუმჯობესებს ტვინის მუშაობას - კვლევებმა აჩვენა, რომ ანტოციანინებს შეუძლიათ: გააუმჯობესოს სისხლის მიმოქცევა თქვენს ტვინში და გაააქტიუროს ის სფეროები, რომლებიც აკონტროლებენ მეტყველებას, მეხსიერებას და ყურადღებას.

ანტოციანინები აუმჯობესებენ მეტყველებასა და მეხსიერებას მსუბუქი ან ზომიერი დემენციის მქონე ადამიანებში.

ხელს უშლის სიმსივნის განვითარებას - ანტოციანინებს შეუძლიათ სიმსივნის განვითარების შენელება რამდენიმე გზით. კვლევები ვარაუდობენ, რომ ანტოციანინებმა შეიძლება:

• დაბლოკოს დნმ ცვლილებები (მუტაციები), რომლებიც იწვევენ კიბოს;
• გაანადგუროს ან შეანელოს კიბოს უჯრედების ზრდა;
• გაზარდოს ქიმიოთერაპიის ეფექტურობა