მარიამ ფოლადაშვილი

ადამიანებისთვის, რომლებიც ცდილობენ გააკონტროლონ ან შეამცირონ გლუკოზის დონე.

ივნისი, როგორც წესი, საუკეთესო დროა ახალი მარწყვის მოსაკრეფად.

მარწყვი სასარგებლოა ჯანმრთელობისთვის. ის ორგანიზმს ბუნებრივად აწვდის ვიტამინებს, ბოჭკოს და ანტიოქსიდანტებს, რომლებიც ცნობილია როგორც პოლიფენოლები - ყოველგვარი ნატრიუმის, ცხიმისა და ქოლესტერინის გარეშე. მარწყვი შედის 20 საუკეთესო ხილს შორის ანტიოქსიდანტური შესაძლებლობებით, არის მანგანუმისა და კალიუმის კარგი წყარო. მხოლოდ ერთი პორცია - დაახლოებით რვა მარწყვი - უზრუნველყოფს C ვიტამინს უფრო მეტ დოზას, ვიდრე ფორთოხალი.

ჯანმრთელობის სარგებელი

მარწყვში შემავალი ვიტამინები, მინერალები და ანტიოქსიდანტები ჯანმრთელობისთვის მნიშვნელოვან სარგებელს იძლევა. მაგალითად, მარწყვი მდიდარია C ვიტამინით და პოლიფენოლებით, რომლებიც ანტიოქსიდანტური ნაერთებია, რომლებიც ხელს უშლიან ზოგიერთი დაავადების განვითარებას.

გარდა ამისა, მარწყვს შეუძლია უზრუნველყოს სხვა ჯანმრთელობის სარგებელი, რომლებიც დაკავშირებულია:

ინსულინის მგრძნობელობასთან - მარწყვში შემავალი პოლიფენოლები აუმჯობესებენ ინსულინის მიმართ მგრძნობელობას. ასევე, მარწყვი ნაკლებ შაქარს შეიცავს.

კანის დაცვა - მარწყვს აქვს ანთების საწინააღმდეგო ეფექტი, რომელიც ხელს უშლის კანის დაზიანებას ადგილობრივი გამოყენებისას. ერთ-ერთ კვლევაში, მარწყვზე დაფუძნებული კოსმეტიკური საშუალებები იცავდა კანს მავნე ულტრაიისფერი A (UVA) გამოსხივებისგან, განსაკუთრებით კოენზიმ Q10-თან ერთად.

ოსტეოართრიტის მართვა - მცირე კვლევამ აჩვენა, რომ მარწყვის ანთების საწინააღმდეგო სარგებელს ასევე შეუძლია დაიცვას სხეულის სხვა ნაწილები, სახსრების ჩათვლით. ოსტეოართრიტისა და მუხლის ტკივილის მქონე ადამიანებში მარწყვი ამცირებს ტკივილსა და შეშუპებას.

მარწყვი მდიდარია C ვიტამინით და სხვა ანტიოქსიდანტებით, რომლებიც ამცირებს ისეთი დაავადებების რისკს, როგორიცაა კიბო, დიაბეტი, ინსულტი და გულის დაავადება.

მარწვის შემადგენლობაში შედის:

• მაგნიუმი;
• ფოსფორი;
• კალციუმი;
• კალიუმი;
• ფოლატი;
• K ვიტამინი

მარწყვის 100 გრამიანი პორცია შეიცავს:

• კალორია: 91;
• ცილა: 0,67 გ;
• ცხიმი: 0,3 გ;
• ნახშირწყლები: 7,68 გ;
• ბოჭკო: 2 გ;
• შაქარი: 4,89 გ