რატომ უნდა მიაქციოთ ყურადღება K ვიტამინის დოზას ზოგიერთი სისხლის გამათხელებელი პრეპარატის გამოყენებისას
არ გადააჭარბოთ K ვიტამინის დოზას.
სისხლის გამათხელებლები ხშირად ინიშნება იმ ადამიანებისთვის, რომლებსაც აქვთ თრომბის განვითარების რისკი.
კარდიოლოგების თქმით, თუ მოულოდნელად გაზრდით K ვიტამინის დოზას, ამან შეიძლება გამოიწვიოს არასასურველი შედეგი. მას შეუძლია რეალურად შეამციროს ვარფარინის ეფექტი, ეს იმიტომ, რომ K ვიტამინი ორგანიზმში სისხლის შედედების წარმოქმნის ქიმიური პროცესის მნიშვნელოვანი ნაწილია.
არ არის აუცილებელი მთლიანად ამოიღოთ K ვიტამინი რაციონიდან, რადგან ის შედის მრავალფეროვან, ჯანსაღ, ნუტრიენტებით მდიდარ საკვებში. მათ შორისაა, ბოსტნეული. ამის ნაცვლად, ყურადღება მიაქციეთ იმას, თუ რამდენ K ვიტამინს მოიხმართ. ამისათვის იმუშავეთ ექიმთან, რომ იპოვოთ სწორი ბალანსი.
მაგალითად, თუ K ვიტამინით მდიდარ საკვებს მიირთმევთ, შეიძლება დაგჭირდეთ სისხლის უფრო ხშირად შემოწმება ან სისხლის გამათხელებელი საშუალების დოზის კორექცია. საჭიროა ექიმთან კონსულტაცია, რომ იპოვოთ თქვენთვის შესაფერისი დოზა.
არსებობს სხვადასხვა ბოსტნეული, რომელიც შეიცავს K ვიტამინის ნაკლებ რაოდენობას. ესენია:
- Პომიდორი;
- წიწაკა;
- სტაფილო;
- ყვავილოვანი კომბოსტო;
- კიტრი;
- კარტოფილი
- აისბერგის სალათის ფურცლები
გარდა ამისა, გამოყენების შემთხვევაში, აუცილებლად წაიკითხეთ მულტივიტამინების ეტიკეტები, რადგან მათ K ვიტამინის სხვადასხვა შემცველობა აქვთ. ესაუბრეთ ექიმს, თუ რა ვიტამინები უნდა მიიღოთ.
სიფრთხილე გამოიჩინეთ მცენარეული დანამატებისა და ომეგა -3 დანამატების მიღებისას.
შეიძლება დაგჭირდეთ გარკვეული დანამატებისა და ვიტამინების მიღების თავიდან აცილება, რათა თქვენი სისხლის მაჩვენებლები სტაბილური იყოს. ესაუბრეთ ექიმს თქვენს მიერ მიღებულ ნებისმიერ დანამატზე, რათა დარწმუნდეთ, რომ ისინი ხელს არ უშლიან სისხლის გამათხელებლებს.
რეგულარულად შეამოწმეთ თქვენი სისხლის მაჩვენებლები (ჩვეულებრივ, თვეში ერთხელ ექიმთან. ეს შეიძლება უფრო ხშირად მოხდეს დოზის კორექტირებისას).