ქოქოსის წყალი, როგორც დეტოქს-სასმელი
მათ შორის, გულისა და თირკმელების უკეთესი ფუნქციონირებისათვის.
ბოლო წლებში ქოქოსის წყალი საკმაოდ მოდური სასმელი გახდა.
წარმოგიდგენთ ქოქოსის წყლის სასარგებლო თვისებებს:
საკვები ნივთიერების კარგი წყაროა
ქოქოსის წყალი არის სითხე, რომელიც შეიცავს 94% წყალს და ძალიან ცოტა ცხიმს.
ერთი ჭიქა (240 მლ) ქოქოსის წყალი შეიცავს 60 კალორიას, ასევე მის შემადგენლობაში შედის:
- ნახშირწყლები: 15 გრამი;
- შაქარი: 8 გრამი;
- კალციუმი: დღიური დოზის 4%;
- მაგნიუმი: დღიური დოზის 4%;
- ფოსფორი: დღიური დოზის 2%;
- კალიუმი: დღიური დოზის 15%
შეიძლება ჰქონდეს ანტიოქსიდანტური თვისებები
თავისუფალი რადიკალები არის არასტაბილური მოლეკულები, რომლებიც წარმოიქმნება უჯრედებში მეტაბოლიზმის დროს. მათი წარმოება იზრდება სტრესის ან ტრავმის საპასუხოდ.
როდესაც ძალიან ბევრი თავისუფალი რადიკალია, თქვენი სხეული შედის ოქსიდაციური სტრესის მდგომარეობაში, რამაც შეიძლება დააზიანოს უჯრედები და გაზარდოს დაავადების რისკი.
ცხოველებზე ჩატარებულმა კვლევებმა აჩვენა, რომ ქოქოსის წყალი შეიცავს ანტიოქსიდანტებს, რომლებიც ხელს უწყობენ თავისუფალი რადიკალების ცვლილებას, რათა მათ ვეღარ გამოიწვიონ დაზიანება.
ხელს უშლის თირკმელებში ქვების წარმოქმნას
საკმარისი სითხის დალევა მნიშვნელოვანია თირკმლის ქვების პროფილაქტიკისთვის. მიუხედავად იმისა, რომ უბრალო წყალი კარგი არჩევანია, ორი მცირე კვლევა ვარაუდობს, რომ ქოქოსის წყალი შეიძლება კიდევ უკეთესი იყოს.
შეიძლება ხელი შეუწყოს გულის ჯანმრთელობას
ქოქოსის წყლის დალევა შეიძლება დაეხმაროს გულის დაავადების რისკის შემცირებას. ერთ-ერთი მიზეზი, კი არტერიული წნევის შემცირებაა. ქოქოსის წყალი დიდი რაოდენობით (500 მგ კალიუმი 8 უნციაში) კალიუმს შეიცავს. ნაჩვენებია, რომ კალიუმი ამცირებს არტერიულ წნევას მაღალი წნევის მქონე ადამიანებში.
სასარგებლოა ხანგრძლივი ვარჯიშის შემდეგ
ქოქოსის წყალი ეფექტური სასმელია ჰიდრატაციის აღსადგენად და ვარჯიშის დროს დაკარგული ელექტროლიტების შესავსებად.
ელექტროლიტები არის მინერალები, რომლებიც ასრულებენ რამდენიმე მნიშვნელოვან როლს თქვენს ორგანიზმში, მათ შორის სითხის სათანადო ბალანსის შენარჩუნებაში. რამდენიმე სასიცოცხლო ელექტროლიტი მოიცავს კალიუმს, მაგნიუმს, ნატრიუმს და კალციუმს. გამომდინარე იქიდან, რომ ქოქოსის წყალი შეიცავს ამ ელექტროლიტებს, ის შეიძლება იყოს უფრო სასარგებლო ვიდრე წყალი ვარჯიშის შემდეგ რეჰიდრატაციისთვის.
ბრაზილიაში ჩატარებულმა მცირე კვლევამ დაადგინა, რომ ქოქოსის წყალი აუმჯობესებს ვარჯიშის შესაძლებლობებს, ვიდრე წყალი ან სპორტული სასმელი.
ქოქოსის წყალში გვხვდება ლაურინის მჟავა, რაც ეხმარება კუჭ-ნაწლავის ინფექციებთან ბრძოლაში და კუჭის მუშაობის ნორმალიზებას.
ქოქოსის წყალი საკმაოდ დაბალია კალორიებით, ნახშირწყლებით და აბსოლუტურად დიეტური პროდუქტია. პირველ რიგში, ის არ შეიცავს გლუტენს და ცხიმებს.
თუმცა, წაიკითხეთ ეტიკეტი და გადაამაოწმეთ მასში შემავალი ინგრედიენტები, რათა დარწმუნდეთ რომ იღებთ 100% ქოქოსის წყალს. ზოგიერთი ბრენდი შეიძლება შეიცავდეს დამატებულ შაქარს ან არომატიზებულ აგენტებს, რამაც შეიძლება გამოიწვიოს საჭმლის მომნელებელი სისტემის დისკომფორტი.
უმჯობესია აირჩიოთ უშაქრო ვარიანტი, მოერიდეთ რამდენიმე პორციის ერთდროულად მიღებას და დაიცავით ზომიერება.