რამ შეიძლება გამოიწვიოს ქვედა კიდურების შეშუპება
ფეხების შეშუპების ნიშნები შეიძლება მოიცავდეს:
- ქვედა კიდურებში სიმძიმის, დაბუჟების ან ქავილის შეგრძნებას;
- კანის დაჭიმვასან(შესაძლოა იყოს მბზინავიც);
- ტკივილს
კიდურებზე თითის დაჭერის შემთხვევაში თუ ხედავთ თქვენი თითის ანაბეჭდის ჩაღრმავებას რამდენიმე წამზე მეტი ხნის განმავლობაში, დიდია ალბათობა იმისა, რომ თქვენ გაქვთ ზედმეტი სითხის დაგროვება, რაც შეშუპებას იწვევს. ზოგჯერ, სითხის დაგროვება შესაძლოა გამოწვეული იყოს ფეხზე ხანგრძლივი დგომის შედეგად. იგივეა, თუ საათობით იჯექით მანქანაში. შეშუპება უფრო ხშირია ჭარბწონიან ადამიანებში, მაგრამ შეიძლება ნებისმიერ ადამიანს დაემართოს.
შეშუპების თავიდან ასაცილებლად: შეზღუდეთ მარილი. როდესაც მოგზაურობთ, ხშირად ადექით და იმოძრავეთ. ხშირად ისეირნეთ, ეცადეთ მოსვენებულ მდგომარეობაში, ფეხები შედარებით შემაღლებულ ადგილზე მოათავსოთ.
ფეხის შეშუპება შეიძლება იყოს უფრო საყურადღებო მდგომარეობის ნიშანიც.
ღრმა ვენების თრომბოზი
ღრმა ვენის თრომბოზის სიმპტომები:
- გაფართოებული ვენები კანის ზედაპირთან ახლოს;
- ტკივილი ან მგრძნობელობის მომატება ფეხის არეში;
- ერთი ფეხის შეშუპება, ზოგჯერ თან ახლავს კანის სიწითლე
ღრმა ვენების თრომბოზი თავისთავად სიცოცხლისთვის საშიში არ არის, თუმცა საყურადღებო მდგომარეობაა, რადგან თუ თრომბი ფილტვებში გადაადგილდა, სისხლის ნაკადის დაბლოკვას იწვევს, ამან კი შეიძლება გამოიწვიოს ფილტვის ემბოლია - რაც ძალიან სერიოზული პრობლემაა.
თუ გაქვთ ღრმა ვენების თრომბოზის ნიშნები, მნიშვნელოვანია დაუყოვნებლივ მიმართოთ ექიმს და დაიწყოთ მკურნალობა, რათა თავიდან აიცილოთ ფილტვის ემბოლიის განვითარება.
თუ თქვენ ცხოვრობთ ვენური უკმარისობით, ექიმმა შეიძლება გირჩიოთ:
- ფეხების შედარებით შემაღლებულ ადგილზე მოთავსება;
- კომპრესიული წინდების ტარება;
- მედიკამენტური მკურნალობა;
- ქირურგიული მკურნალობა;
- ცხოვრების წესის ცვლილებები, როგორიცაა ვარჯიში და წონის კონტროლი
ლიმფედემა
ლიმფედემა ვითარდება მაშინ, როდესაც ლიმფური კვანძები არ ფილტრავენ ლიმფურ სითხეს ისე, როგორც საჭიროა, რამაც შეიძლება გამოიწვიოს ერთი ან ორივე კიდურის შეშუპება.
ლიმფედემის მართვა მოიცავს:
- კომპრესიული წინდების გამოყენებას;
- ლიმფურ დრენაჟს(თვითმასაჟის ფორმა);
- ვარჯიშს;
- ქირურგიულ მკურნალობას
გულის, თირკმელების ან ღვიძლის დაავადება
როდესაც ორგანოები არ მუშაობენ ისე, როგორც საჭიროა სითხე შეიძლება დაგროვდეს თქვენს ფეხებში. გულის შეგუბებითმა უკმარისობამ, თირკმელების დაავადებამ და ღვიძლის დაავადებამ შეიძლება გამოიწვიოს ფეხების შეშუპება.
თუ გაქვთ (ან ეჭვობთ, რომ გაქვთ) რომელიმე ეს მდგომარეობა, ამასთან თუ აღინიშნება მუდმივი შეშუპება ფეხებში, უმჯობესია ექიმის კონსულტაცია.
საშიში არ არის თუ შეშუპება ნაკლებად შემაწუხებელია, არ ერთვის სხვა სიმპტომები და ქრება ერთი დღის განმავლობაში.
აუცილებელია ექიმთან ვიზიტი, თუ შეშუპება:
- დიდხანს გრძელდება;
- რეგულარულად ხდება;
- შეშუპებულია მხოლოდ ერთი ფეხი;
- თან ერთვის სხვა სიმპტომები