D ვიტამინის ნაკლებობა და თავის ტკივილი
არც D ვიტამინია გამონაკლისი. D ვიტამინის ნაკლებობა შეიძლება დაკავშირებული იყოს ჯანმრთელობის სხვადასხვა პრობლემასთან, მათ შორისაა: გულის პრობლემები, დიაბეტი, მაღალი არტერიული წნევა, ოსტეოპოროზი. ერთ-ერთი კვლევის თანახმად კი D ვიტამინის ნაკლებობამ შესაძლოა თავის ტკივილიც გამოიწვიოს.
რატომ იწვევს D ვიტამინის ნაკლებობა თავის ტკივილს?
აღმოჩნდა, რომ ბევრ ადამიანს, ვინც განიცდის თავის ტკივილს - მათ შორის შაკიკს - აღენიშნება D ვიტამინის დეფიციტი. D ვიტამინის დეფიციტმა შეიძლება გამოიწვიოს შაკიკი და სხვა ტიპის თავის ტკივილი, ვინაიდან D ვიტამინის ნაკლებობა დაკავშირებულია ზოგიერთი ნეირონის სენსიტიურობის მომატებასთან, მაგნიუმის დონის შემცირებასთან, ტვინში ქიმიური ნოვთიერებების დონის ცვლილებასთან, მელატონინის დონის შემცირებასთან. ამ ყველაფერს კი თავის ტკივილის გამოწვევა შეუძლია.
კვლევაში მონაწილეებზე დაკვირვების შედეგად მკვლევარებმა დაადგინეს, რომ იმ პირებს, რომელთაც D ვიტამინის ნაკლებობა აღენიშნებოდათ, თავის ტკივილის განვიტარების ორჯერ უფრო მაღალი რისკი ჰქონდათ ვიდრე იმ პირებს,რომელთაც D ვიტამინის ნორმალური მაჩვენებელი ჰქონდათ.
როგორ უნდა ამოიცნოთ D ვიტამინის ნაკლებობა
D ვიტამინის ნაკლებობა სავარაუდოა შემდეგი ნიშნების არსებობის შემთხვევაში:
ძვლების ტკივილი;
კუნთების სისუსტე;
კუნთების ტკივილი;
დეფორმირებული ძვლები;
ოსტეოპოროზი ან ოსტეოპენია
D ვიტამინის დეფიციტის შევსება შესაძლებელია საკვებიდან. ასევე, მისი, როგორც დანამატის სახით მიღების გზითაც.
D ვიტამინით მდიდარია:
- ღვიძლი;
- ყველი;
- კვერცხი;
- თევზი;
- რძე;
- სოკო.