A,D და E ვიტამინების მიღება, სავარაუდოდ, რესპირატორული ინფექციების განვითარების რისკს ამცირებს
ამ ვიტამინებს ასევე გაცივებისა და სხვა რესპირატორული ინფექციების პრევენცია შეუძლია.
კვლევების შედეგების მიხედვით, ადამიანებს, რომლებიც იღებდნენ A და E ვიტამინების ყველაზე მაღალ დოზას როგორც საკვებიდან, ასევე დანამატებიდან, ხოლო D ვიტამინს მხოლოდ დანამატებიდან, ჰქონდათ რესპირატორული დაავადებების(გაციება, ასთმა, ფილტვების ქრონიკული ობსტრუქციული დაავადება) განვითარების ყველაზე დაბალი მაჩვენებელი. ვიტამინები კი განსაკუთრებით ეფექტურია, როდესაც მისი მიღება საკვებიდან ხდება.
A ვიტამინით მდიდარია ღვიძლი, რძე, ყველი, სტაფილო. E ვიტამინის კარგი წყაროა თხილეული, მარცვლეული. საკვებიდან D ვიტამინის მიღება შესაძლებელია თევზიდან, რძიდან, ასევე მისი მიღება შესაძლებელია დანამატის სახით.