მარიამ ფოლადაშვილი

ავოკადოს კვირაში მინიმუმ ორი პორციის მიღება უკავშირდება გულ-სისხლძარღვთა დაავადების განვითარების დაბალ რისკს.

რა აქცევს ავოკადოს გულისთვის სასარგებლო პროდუქტად:

ავოკადო უხვად შეიცავს ჯანმრთელ ცხიმებს, ბოჭკოს, მიკროელემენტებს, რომლებიც დაკავშირებულია გულ-სისხლძარღვთა სისტემის ჯანმრთელობასთან.

ოლეინის მჟავა - ეს მონოუჯერი ცხიმი უხვადაა ზეთისხილში. (ნახევარ ავოკადოს აქვს დაახლოებით 6.5 გრამი ოლეინის მჟავა, ან დაახლოებით, იგივე რაოდენობა, რომელიც გვხვდება ზეითუნის ზეთის სუფრის კოვზში). კვლევებმა აჩვენა, რომ ნაჯერი ცხიმით (როგორიცაა კარაქი, ყველი და ხორცი) მდიდარი საკვების შეცვლა უჯერი ცხიმებით (როგორიცაა ავოკადო, კაკალი და მარცვლეული) ხელს უწყობს მავნე ქოლესტერინის დონის შემცირებას (მავნე ქოლესტერინი კორონარული არტერიის დაავადების განვითარების რისკ-ფაქტორია).

ბოჭკო - ავოკადოს ერთი პორცია უზრუნველყოფს ბოჭკოს ყოველდღიური რეკომენდებული დოზის 20%-ის მიღებას. ბოჭკოვანი დიეტა ხელს უწყობს არა მხოლოდ ქოლესტერინის შემცირებას, არამედ არტერიული წნევის და სხეულის წონის შემცირებასაც.

ვიტამინები, მინერალები - ნახევარი ავოკადო უზრუნველყოფს ფოლიუმის (ვიტამინი B9 ვიტამინის) ყოველდღიური რეკომენდებული დოზის 15%-ის, კალიუმის 10%-ის და მაგნიუმის 5%-ის მიღებას, ყველა ეს საკვები ნივთიერება, ოლეინის მჟავასთან და ბოჭკოსთან ერთად, უკავშირდება გულის ჯანმრთელობას