როგორია პირიდან უსიამოვნო სუნის დაძლევის გზები
ნადების დაგროვების გამო შესაძლოა უსიამოვნო სუნი გაჩნდეს. ის შეიძლება განვითარდეს პაროდონტის დაავადების გამო, ასევე როდესაც საკვების ნარჩენები გროვდება არასრულფასოვნად გაკეთებული სტომატოლოგიური გვირგვინების ან ცუდად გაქლიბული ბჟენების ქვეშ. ყოველივე ეს იწვევს პირის ღრუს ქსოვილების ანთებას და უსიამოვნო სუნის გაჩენას.
ცუდი სუნის გამომწვევი მიზეზები შეიძლება ბევრი იყოს: კუჭ-ნაწლავის ტრაქტის დაავადებებიდან დაწყებული, უბრალოდ კბილზე დაგროვილი ნადებით.
ცუდი სუნის კიდევ ერთი მიზეზი არის კბილის ქვა, რომელიც იწვევს რბილი ნადების დაგროვებას. მისგან თავის დასაღწევად აუცილებელია პირის ღრუს პროფესიული წმენდის ჩატარება ყოველ ექვს თვეში ერთხელ.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ასევე საჭიროა კბილების სწორად გახეხვა! კბილის ჯაგრისი უნდა იყოს რბილი ან საშუალო სიხისტის. ნადების ეფექტურად გაწმენდა შესაძლებელია მხოლოდ ჯაგრისის სწორი მოძრაობებით - ღრძილებიდან კბილის კიდემდე.
მხოლოდ კბილის ჯაგრისით გახეხვა არა საკმარისი უსიამოვნო სუნისაგან თავდასაღწევად. კბილებს შორის სივრცეში წარმოიქმნება რბილი ნადები და გროვდება საკვების ნარჩენები, რომლებიც ერთი საათის შემდეგ უსიამოვნო სუნს უშვებს. კბილის ჯაგრისი ვერ აღწევს ამ სივრცეებში და კბილის ძაფს შეუძლია მხოლოდ დიდი საკვების ნარჩენებისგან გაწმენდა, მაგრამ არა რბილი ნადების გაწმენდა. ამიტომ კბილების ყოველი გახეხვის შემდეგ სასურველია ირიგატორის გამოყენება.
უსიამოვნო სუნის გამომწვევი მიზეზი ასევე შეიძლება იყოს ნადები ენაზე, ამიტომ ირიგატორის გამოყენების შემდეგ მნიშვნელოვანია ენის ზედაპირის გაწმენდა. ბევრი ჯაგრისის უკანა მხარეს არის ამისთვის საფხეკი. ასევე სასარგებლოა პირის ღრუს სავლების გამოყენება კბილების ყოველი გამორეცხვის შემდეგ.
