კვების რაციონი მაღალი არტერიული წნევისას
მედიკამენტებთან და ჯანსაღი ცხოვრების წესით ცხოვრებასთან ერთად, რაციონში გარკვეული ცვლილებები ამცირებენ მაღალი არტერიული წნევის და მასთან დაკაშირებული დაავადებების(გულის, თირკმლის დაავადებები) განვითარების რისკს. ამ ტიპის საკვებს მიეკუთვნება: ხილი, ბოსტნეული, თხილეული, თევზი.
10 საკვები პროდუქტი, რომელიც ამცირებს მაღალ არტერიულ წნევას:
- მოცვი, მარწყვი - შეიცავენ ანტიოქსიდანტებს, ფლავონოიდებს. ერთ-ერთი კვლევის მიხედვით, იმ პირებში, რომლებიც იღებდნენ მოცვს და მარწყვს მაღალი არტერიული წნევის განვითარების რისკი 8%-ით ნაკლები იყო ვიდრე იმ პირებში, რომლებიც არ მოიხმარდნენ ამ პროდუქტებს;
- ბანანი - შეიცავს კალიუმს, რომელიც ხელს უწყობს არტერიული წნევის დარეგულირებას. ამერიკის გულის ასოციაციის მიხედვით ბანანი ხელს უწყობს ნატრიუმის უარყოფი ეფექტების შემცირებას. კალიუმს შეიცავს გარგარი და კარტოფილი. (იმ პირებისთვის, რომელთაც თირკმლის პრობლემები აქვთ, სასურველიადიდი რაოდენობით კალიუმის შემცველი პროდუქტების მიღებამდე ექიმთან კონსულტაცია);
- შავი შოკოლადი - კაკაო, რომელიც შავი შოკოლადის შემადგენლობაში შედის, მდიდარია ანტიოქსიდანტებით, ფლავონოიდებით. ფლავონოიდები ხელს უწყობენ მაღალი არტერიული წნევის დარეგულირებას;
- კივი - მისი ყოველდღიური მიღება მნიშვნელოვან როლს ასრულებს წნევის რეგულირებაში. კვლევების მიხედვით, იმ პირებში, რომლებიც ყოველდღიურად მიირთმევდნენ 3 ცალ კივს 8 კვირის განმავლობაში, შეინიშნებოდა სისტოლური და დიასტოლური წნევის შემცირება;
- ბროწეული - შეიცავს ანტიოქსიდანტებს, რომლებიც მნიშვნელოვან როლს ასრულებენ არტერიული წნევის რეგულაციაში;
- ციტრუსები (განსაკუთრებით, ფორთოხალი);
- თხილეული;
- იოგურტი - იგი ფერმენტირებული პროდუქტია. მისი მოხმარება დაკავშირებულია მაღალი არტერიული წნევის შემცირებასთან;
- თევზი (განსაკუთრებით, ცხიმიანი თევზი);
- მწვანე ბოსტნეული
მაღალი არტერიული წნევისას მოერიდეთ მარილის, კოფეინის, ალკოჰოლის და მავნე ცხიმების შემცველი საკვები პროდუქტების მოხმარებას.