რომელია ანტიოქსიდანტებით მდიდარი პროდუქტები
აქედან გამომდინარე, ანტიოქსიდანტები სხვადასხვა დაავადების პრევენციისთვის უმნიშვნელოვანესია.
ანტიოქსიდანტებით მდიდარი პროდუქტებია:
- შავი შოკოლადი - კვლევების მიხედვით, შოკოლადის რეგულარული მიღება ამცირებს გულის დაავადებების რისკის განვითარებას, ზრდის კარგი ქოლესტეროლის დონეს, არეგულირებს არტერიულ წნევა. მისი ეს თვისებები კი კაკაოს, მინერალებისა და ანტიოქსიდანტების შემცველობითაა განპირობებული;
- მოცვი, ჟოლო - მოცვში შემავალი ანტიოქსიდანტები აუმჯობესებენ ტვინის ფუნქციებს. აუვნებელყოფენ თავისუფალ რადიკალებს, ამცირებენ ანთებით პროცესებს;
- ბროწეული - დადებითად მოქმედებს: გულ-სისხლძარღვთა სისტემაზე, კუჭ-ნაწლავზე, ტვინზე, ღვიძლზე. აძლიერებს იმუნურ სისტემას, გააჩნია ანტიკანცეროგენული მოქმედება;
- მარწყვი - მდიდარია C ვიტამინითა და ანტიოქსიდანტებით. მასში შემავალი ანტიოქსიდანტები ამცირებენ გულის დაავადებების განვითარების რისკს, ამცირებენ ცუდი ქოლესტეროლის დონეს;
- წითელი კომბოსტო - შეიცავს C, K ,A ვიტამინებს და მდიდარია ანტიოქსიდანტებით(მის შეფერილობას სწორედ ანტიოქსიდანტები განაპირობებს). გააჩნია ანტიკანცეროგენული მოქმედება, აძლიერებს იმუნურ სისტემას, უნარჩუნებს კანს სიჯანსაღეს;
- ლობიო - ანტიოქსიანტების კარგი წყაროა, გარდა ამისა, ხელს უწყობს ნაწლავის ნორმალურ ფუნქციონირებას;
- ისპანახი - მდიდარია მინერალებითა, ვიტამინებით და ანტიოქსიდანტებით. შეიცავს ლუთეინს(ანტიოქსიდანტი), რომელიც თავისუფალი რადიკალების მიერ თვალების დაზიანებას უშლის ხელს