რა იწვევს ყლაპვის გაძნელებას და როდის უნდა მივმართოთ ექიმს
ყლაპვის გაძნელება, იგივე, დისფაგია ნებისმიერი ასაკის ადამიანს შეიძლება დაემართოს.
დარღვევას ხშირად თან ახლავს ყლაპვის დროს ტკივილის შეგრძნება. ზოგჯერ ადამიანს საერთოდ არ შეუძლია ყლაპვა. ყლაპვის გაძლენელების ზოგიერთი შემთხვევები საშიში არ არის, თუმცა ყლაპვის მუდმივი, განმეორებადი გაძნელება შესაძლოა სერიოზული პათოლოგიური მდგომარეობის ნიშანი იყოს.
დისფაგიის გამომწვევი ყველაზე გავრცელებული მიზეზები საყლაპავისა და პირ-ხახის პათოლოგიებია.
საყლაპავისმიერ დისფაგიას საკვების საყლაპავში გაჭედვის შეგრძნება ახლავს თან. ის შეიძლება დაფიქსირდეს მაშინ, როდესაც საყლაპავის ქვედა ნაწილის კუნთების ჯეროვნად ვერ დუნდება, რაც საკვების კუჭისაკენ გადაადგილებას ხელს უშლის.
ასევე, შეიძლება გამოიწვიოს:
- საყლაპავის დიფუზურმა სპაზმმა - საყლაპავში ინტენსიური, მაგრამ არაკოორდინირებული შეკუმშვა წარმოიშობა. სპაზმის განვითარებას ხელს უწყობს ძალიან ცივი და ცხელი საკვები;
- საყლაპავის შევიწროვებამ;
- გასტროეზოფაგურმა რეფლუქსმა(საყლაპავში კუჭის მჟავე შიგთავსის განმეორებითი ასვლამ);
- საყლაპავის სიმსივნემ
პირხახისმიერი დისფაგია მაშინ ვითარდება, როცა ზიანდება ხახის კუნთები და ნერვები ამ დროს საკვების პირის ღრუდან საყლაპავში გადაადგილება ძნელდება და საკვები ხშირად ტრაქეაში ან ცხვირის ღრუში ხვდება.პირხახისმიერი დიფაგია შეიძლება გამოიწვიოს: ნევროლოგიურმა დარღვევებმა, ხახის კუნთოვანი კედლის პათოლოგიურმა დარღვევებმა.
თან ახლავს შემდეგი ნიშნები:
- ყლაპვის თანმხლები ტკივილი;
- გაძლიერებული ნერწყვდენა;
- საკვების გულზე დადგომის შეგრძნება;
- ყელში უცხო სხეულის გაჩხერის შეგრძნება;
- გახშირებული გულძმარვა;
- რეფლუქსი;
- ყლაპვის დროს საკვების გადაცდენა და ხველა;
- ყლაპვის შეუძლებლობა
ყლაპვის იშვიათი გაძნელება საშიში არ არის, მაგრამ თუ ეს პრობლემა დიდი ხნის განმავლობაში გრძელდება, რეგულარული ხასიათი აქვს, თუ ყლაპვას საერთოდ ვერ ახერხებთ ან ის სუნთქვაში გიშლით ხელს და თუ საკვების პირის ღრუში დაბრუნება, ღებინება ან წონაში კლება ახლავს თან აუცილებელია მიმართოთ ექიმს.
