როგორ ამოვიცნოთ გულის უკმარისობა გამოვლინებების მიხედვით
მცირდება სისხლის დინება (ცირკულაცია), ვითარდება სისხლის შეგუბება ვენებსა და ფილტვებში, სხვა ცვლილებები, რომლებიც, თავის მხრივ, კიდევ უფრო ასუსტებს გულის მუშაობას.
გულის უკმარისობა შეიძლება განვითარდეს ნებისმიერ ასაკში, ბავშვობაშიც კი (განსაკუთრებით, გულის თანდაყოლილი მანკების დროს). ის ხანდაზმული ასაკის პაციენტებს შორის უფრო ხშირია.
გულის უკმარისობა ხშირად ვლინდება ბიპარკუჭოვანი უკმარისობით, თუმცა ერთი პარკუჭი შეიძლება დაზიანდეს მეორეზე ადრე. რა დროსაც ვითარდება პათოლოგიური მდგომარეობა და ერთი მხარე ვერ ასრულებს თავის ფუნქციას, მაშინ როდესაც მეორე აგრძელებს ჩვეულებრივ მუშაობას გარკვეული დროის განმავლობაში. თუმცა, გახანგრძლივებული დატვირთვის დროს, გულის ორივე მხარე ზიანდება და ვიღებთ ბიპარკუჭოვან უკმარისობას.
გულის მარჯვენამხრივი უკმარისობა ვითარდება მარჯვენა პარკუჭის არაეფექტურად კუმშვადობის შედეგად. იწვევს სისხლის დაგუბებას მარჯვენა წინაგულსა და ვენურ ცირკულაციაში. გულის მარჯვენამხრივი უკმარისობა ვითარდება მწვავე მდგომარეობების შედეგად, როგორიცაა მარჯვენა პარკუჭის ინფარქტი ან ფილტვის ემბოლია. ფილტვისმიერი გული (ფილტვის დაავადებით გამოწვეული მარჯვენა პარკუჭის დილატაცია და ჰიპერტროფია) ასევე იწვევს გულის მარჯვენამხრივ უკმარისობას.
ნიშნები:
- მარჯვენა პარკუჭის პულსაცია;
- საუღლე ვენების შებერილობა;
- შუილები;
- ტაქიკარდია;
- შეშუპება (ტერფის,გავის);
- წონის მატება;
- ასციტი;
- კანისა და კანქვეშა ქსოვილების შეშუპება;
- ღვიძლის გადიდება
სიმპტომები:
- დაღლილობა;
- ტკივილი მუცლის მარჯვენა ზედა ნაწილში;
- პერიფერიული ბილატერალური შეშუპება;
- შფოთვა, დეპრესია;
- გულისრევის შეგრძნება
გულის მარცხენამხრივი უკმარისობა წარმოადგენს გულის უკმარისობის ყველაზე ხშირ ტიპს, რომელიც ვითარდება მარცხენა პარკუჭის დისფუნქციის შედეგად. ეს იწვევს სისხლის ნორმალური გადატუმბვის შეფერხებას და მის დაგუბებას მარცხენა წინაგულსა და ფილტვის ვენებში. ფილტვის გაზრდილი წნევა იწვევს სითხის გაჟონვას ფილტვის კაპილარებიდან ინტერსტიციუმში(სითხით სავსე სივრცე) და შემდეგ ალვეოლებში.
ნიშნები:
- მარჯვენა პარკუჭის პულსაცია;
- ტაქიკარდია;
- გულმკერდზე პულსაციის ცვლილება (აღინიშნება ქვედა ნაწილში და უკან მარცხენა პარკუჭის გადიდების გამო)
- ცვალებადი პულსი;
- ფილტვის შეშუპება;
- პლევრული ეფუზია;
- მოუსვენრობა, დაბნეულობა
აღინიშნება შემცირებული ჟანგბადის პარციალური წნევა არტერიულ სისხლში და მომატებული ნახშირორჟანგის პარციალური წნევა არტერიულ სისხლში.
სიმპტომები:
- სისუსტე, დაღლილობა;
- დისპნოე;
- სუნთქვის უკმარისობა მწოლიარე მდგომარეობაში;
- შფოთვა, დეპრესია;
- ზედაპირული სუნთქვა;
- მშრალი ხველა;
- ნოქტურია;
- მოვარდისფრო შეფერილობის ნახველი(ფილტვის შორსწასული შეშუპების დროს)