როგორ დავამარცხოთ სეზონური ვირუსები - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ დავამარცხოთ სეზონური ვირუსები

ეს ინფექციები ყოველწლიურად აზიანებს მსოფლიოს მოსახლეობის 44%-ს. მთავარი სიმპტომია ყელის ტკივილი. როგორ მოვიქცეთ და რა შეცდომები ავიცილოთ თავიდან?

ყელი აგვტკივდა? ყველაფერი გასაგებია, გაციების ბრალია! გაციებამ მართლაც შეიძლება დააქვეითოს ადგილობრივი იმუნიტეტი, მაგრამ დაავადების გამომწვევები არიან ვირუსები და ბაქტერიები.

ყელის ტკივილის ყველაზე გავრცელებული გამომწვევი აგენტებია რინოვირუსები, გრიპის და პარაგრიპის ვირუსები და, რა თქმა უნდა, კოროვირუსები, განსაკუთრებით ცნობილი SARS Cov 2. SARS მკურნალობა ჩვეულებრივ სიმპტომატურია, რადგან ეფექტური პირდაპირი ანტივირუსული პრეპარატები ძალიან ცოტაა.

ბაქტერიებიდან ყველაზე საშიშია ბეტა-ჰემოლიზური სტრეპტოკოკი, რომლის დროსაც სასწრაფოდ საჭიროა ანტიბიოტიკები (სხვა პრეპარატები ვერ უმკლავდებიან ამ დაავადებას და მის გართულებებს).

ყელის ტკივილში უფრო ხშირად ვირუსები არიან დამნაშავე და არა ბაქტერიები.

აუცილებელია ზედა სასუნთქი გზების ანთების მკურნალობა, რათა ინფექციამ არ გამოიწვიოს გართულებები.

ჩვეულებრივ, ყელის ტკივილისას სვამენ თბილ ჩაის ჟოლოსთან ერთად. ამერიკელი ექიმი ყელის ტკივილისას პაციენტს ოდნავ გამდნარი ნაყინის მიღებას ურჩევს - სიცივე შეამცირებს შეშუპებას და იმოქმედებს ანესთეზიის მსგავსად, იწვევს დაბუჟებას და ამცირებს ლორწოვანი გარსის მგრძნობელობას. გარდა ამისა, ცხიმიანი ნაყინი არბილებს დაზიანებულ ყელს, რაც კიდევ უფრო შეამსუბუქებს ტკივილს.

მართალია, ცივის მიღებას აზრი აქვს მხოლოდ დაავადების დასაწყისში. თუ რამდენიმე საათის შემდეგ ტკივილი არ ჩაცხრება, პირიქით, იმატებს, დროა გადავიდეთ სამედიცინო მკურნალობაზე.

იმისათვის, რომ სწრაფად გამოჯანმრთელდეთ, უნდა დაიცვათ 5 მნიშვნელოვანი წესი.

1. მიმართეთ სამედიცინო დახმარებას. ეს განსაკუთრებით ეხება კორონავირუსის ეპოქას.

2. არ მიიღოთ ანტიბიოტიკები (თუნდაც ადგილობრივი ფორმით) ექიმის დანიშნულების გარეშე. უმეტეს შემთხვევაში, მწვავე რესპირატორული ვირუსული ინფექციის მართვა შესაძლებელია მათ გარეშე. ამასთან ვირუსულ ინფექციებზე, ისინი უსარგებლოა.

3. მიიღეთ სიცხის დამწევი და ტკივილგამაყუჩებელი საშუალებები რეკომენდებული დოზებით. თუ ტემპერატურა 38,5 ° -ზე დაბალია, უმჯობესია შემოიფარგლოთ საწოლში დასვენებით და უხვი თბილი სასმელით. სიცხის დამწევი პრეპარატის არჩევანი დამოკიდებულია პაციენტის ასაკზე და თანმხლებ დაავადებებზე, ასევე ინფექციის სიმძიმეზე.

მაგალითად, იბუპროფენი უკუნაჩვენებია პაციენტებში, რომლებსაც აღენიშნებათ კუჭ-ნაწლავის ტრაქტის დარღვევები, ისევე ხანდაზმულებში, რადგან მათ შეიძლება ჰქონდეთ სისხლდენის გაზრდილი რისკი ვირუსული ინფექციის ფონზე. ასპირინის მიცემა კატეგორიულად აკრძალულია ბავშვებისთვის. საუკეთესო არჩევანი არის პარაცეტამოლი.

4. ყელის ტკივილის დროს უმჯობესია გამოიყენოთ ადგილობრივი საშუალებები (სპრეი). ცხვირიდან გამონადენის დროს - ვაზოკონსტრიქტორული წვეთები (არა უმეტეს 3-4 დღისა). მაგრამ უმჯობესია შემოიფარგლოთ ცხვირის მარილიანი ხსნარებით დაბანით.

5. არ დაივიწყოთ ჯანსაღი ცხოვრების წესი. ოთახის უფრო ხშირად განიავება, სველი დასუფთავება და როდესაც ტემპერატურა დაქვეითდება, გაისეირნეთ. ავადმყოფობის დროს შხაპის მიღება არა მხოლოდ შესაძლებელია, არამედ აუცილებელიც.