ვის ემუქრება მაგნიუმის დეფიციტის საფრთხე და როგორ შევავსოთ მისი მარაგი - მკურნალი.გე

მარიამ ფოლადაშვილი

ის ორგანიზმში ვერ წარმოიქმნება, ამიტომ საჭიროა მისი მიღება საკვებიდან.

რაში გვჭირდება მაგნიუმი

• არეგულირებს გულისცემას და აუმჯობესებს გულის მუშაობას;
• ხელს უწყობს სისხლძარღვების გაფართოებას, რაც აუმჯობესებს სისხლის მიმოქცევას;
• მონაწილეობს ძვლების ფორმირებაში და ზრდის ძვლის ქსოვილის მინერალურ სიმკვრივეს;
• აუცილებელია ნერვულ და კუნთოვან უჯრედებს შორის ელექტრული იმპულსების გადასაცემად,რაც როგორც ტვინის, ისე გულის ნორმალურ მუშაობას უწყობს ხელს;
• ხელს უშლის თირკმლის ქვების წარმოქმნას;
• მონაწილეობს სისხლში შაქრის დონის რეგულირებაში;
• ხელს უწყობს თირკმელებში D ვიტამინის გააქტიურებას;
• ამცირებს დეპრესიისადმი მიდრეკილებას;
• გარკვეულწილად ანეიტრალებს კუჭის მჟავიანობას, რითაც ამცირებს გულძმარვის რისკს.

მაგნიუმის დეფიციტის განვითარების რისკ-ჯგუფში შედიან:

• გულ-სისხლძარღვთა დაავადების მქონე პირები;
• შაქრიანი დიაბეტით დაავადებულებულები - სისხლში შაქრის დონის მატება შარდში მეტი მაგნიუმის გამოყოფას იწვევს, შედეგად ორგანიზმში ქვეითდება მაგნიუმის დონე;
• ორსულები;
• ასაკოვანი პირები;
• ბავშვები და მოზარდები - ამ ასაკში განსაკუთრებით გაზრდილია მაგნიუმზე მოთხოვნა;
• სტრესის ქვეშ მყოფი ადამიანები;
• საჭმლის მომნელებელი სისტემის დაავადებების მქონე ადამიანები, ამასთან მაგნიუმის დეფიციტის რისკს ზრდის მარილიანი საკვები, ჭარბი კოფეინი, ჭარბი ალკოჰოლი.

მაგნიუმის დეფიციტის სიმოტომები შეიძლება იყოს:

• თავბრუსხვევა;
• თავის ტკივილი;
• გულყრა;
• მოუსვენრობა;
• გულის რიტმის დარღვევა;
• კონცენტრაციის გაძნელება;
• ძილის დარღვევები

საიდან შევივსოთ მაგნიუმის დეფიციტი

მაგნიუმის კარგი წყაროა:

• მზესუმზირისა და გოგრის თესლი;
• ნუში;
• თხილი;
• შვრია;
• სეზამის მარცვლები;
• სელი;
• ისპანახი;
• ბარდა;
• ბანანი;
• ჟოლო;
• ქათამი;
• შავი შოკოლადი.