მარიამ ფოლადაშვილი

ბალანსირებულ კვებით რაციონში უნდა შედიოდეს საკვების ყველა იმ ჯგუფის პროდუქტები, რომლებიც კანის ჯანმრთელობას უწყობს ხელს.

კანის ნუტრიციისთვის მნიშვნელოვანი ელემენტებია:

• A ვიტამინი - აუცილებელია ეპითელური უჯრედების ნორმალური სტრუქტურის შენარჩუნებისთვის. მისი ნაკლებობა იწვევს კანის სიმშრალეს და ჭრილობების შეხორცების დარღვევებს;
• C ვიტამინი - აუცილებელია შემაერთებელი ქსოვილის წარმოქმნისთვის;
• K ვიტამინი - აუცილებელია სისხლის შედედების ფაქტორების სინეზისთვის. დეფიციტის დროს შეფერხებულია პროთრომბინის ნორმალური სინთეზი ღვიძლში და შესაძლოა გამოვლინდეს კანზე სისხლჩაქცევები;
• ვიტამინი B კომპლექსი - აუცილებელია მეტაბოლური ფუნქციებისთვის. B6 ვიტამინის ნაკლებობა შესაძლოა გამოვლინდეს კანზე სიწითლით, სებორეას მსგავსი დაზიანებებით, ხოლო ბიოტინის დეფიციტი - გამონაყრით;
• ცილები - აუცილებელია უჯრედების ზრდისთვის;
• უჯერი ცხიმოვანი მჟავები - აუცილებელია ქსოვილური მეტაბოლიზმის ნორმალური წარმართვისათვის