ინსულტი - მიზეზები, ნიშნები, როგორ ავირიდოთ თავიდან
ინსულტის შედეგად ფერხდება ან სრულიად ქრება ტვინის დაზიანებული უბნის მიერ კონტროლირებული ფუნქციები, როგორებიცაა მოძრაობა, მგრძნობელობა ან ემოციები, ხოლო შეზღუდვის ხარისხი დაზიანების ლოკალიზაციაზე და გავრცელებაზეა დამოკიდებული.
ინსულტის განვითარების რისკ-ფაქტორებში შედის:
- ასაკი (55 წელზე მეტი);
- ჰიპერტენზია;
- გულის დაავადებები;
- შაქრიანი დიაბეტი;
- თამბაქოს მოხმარება;
- სიმსუქნე;
- ალკოჰოლის ჭარბი მომარება;
- არასაკმარისი ფიზიკური აქტივობა;
- არაჯანსაღი კვება
ინსულტი შეიძლება იყოს:
- იშემიური - ვითარდება არტერიის ნაწილობრივი ან სრული დახშობის გამო ტვინში არასაკმარისი სისხლის მიწოდების შედეგად;
- ჰემორაგიული - უშუალოდ თავის ტვინში სისხლჩაქცევის შედეგად ვითარდება
ინსულტის გამოვლინებები შეიძლება განსხვავდებოდეს უშუალოდ დაზიანებული ლოკაციის მიხედვით.მაგალითად:
ტვინის მარჯვენა მხარის ინსულტის ნიშნებია:
- აღქმითი პრობლემები;
- იმპულსურობა;
- განსჯის უნარის შეფერხება;
- მარცხენამხრივი დამბლა
ტვინის მარცხენა მხარის ინსულტის ნიშნებია:
- მეტყველების, საუბრის შეფერხება;
- ნელი მოქმედებები;
- დეპრესია, შფოთვა;
- მარჯვენამხრივი დამბლა
ინსულტის პრევენციისათვის აუცილებელია:
- მარილისა და ნატრიუმის შემცირება;
- წონის კონტროლი;
- ნორმალური წნევის შენარჩუნება;
- ფიზიკური აქტივობის გაზრდა;
- სიგარეტის მოხმარების შეწყვეტა;
- ალკოჰოლის მიღების შეზღუდვა;
- ნაჯერი ცხიმების შემცველი პროდუქტების მიღების შემცირება;
- რაციონში ხილისა და ბოსტნეულის რაოდენობის გაზრდა
ინსულტის გამოვლენის შემდეგ აუცილებელია დაუყოვნებლივ სამედიცინო ჩარევა, რათა შემცირდეს სიკვდილის რისკი.