რომელი საკვები პროდუქტებით უნდა გავამდიდროთ რაციონი ასაკის მატებასთან ერთად
ჩამოთვლილი პროდუქტების რაციონში შეტანა ეხმარება ადამიანს ასაკით გამოწვეულ პრობლემებთან გამკლავებაში:
მარცვლეული
მარცვლეული პროდუქტები (მაგალითად პური) მდიდარია B ჯგუფის ვიტამინებით, ფოლიუმით,ბოჭკოთი. ეს ელემენტები ხელს უწყობს ტვინის გამართულ მუშაობას.
თხილეული (ნუში, კაკალი, თხილი)
ამ პროდუქტებში შემავალი ნუტრიენტები ანელებს დაბერების პროცესს, ამცირებს ნერვული სისტემის დაავადებების განვითარების რისკს.
წყალი
ასაკის მატებასთან ერთად შესაძლოა შემცირდეს წყურვილის შეგრძნება, თუმცა, ამის მიუხედავად საჭიროა წყლის ბალანსის დაცვა და დღეში 8 ჭიქა წყლის მიღება.
თევზი
თევზი შეიცავს შეუცვლელ ცხიმოვან მჯავებს. ისინი აუმჯობესებენ ტვინის ფუნქციებს, მეხსიერებას და ხელს უწყობენ ალცჰაიმერის დაავადების პრევენციას.
პომიდორი
პომიდორი შეიცავს ლიკოპენს, რომელიც ამცირებს სიმსივნის განვითარების რისკს.
რძის ნაწარმი
ასაკთან ერთად ძვლის სიმტკიცე მცირდება, მასში მინერალური ნოვთიერებების შემცირების გამო. ვითარდება დეკალციფიკაცია, ოსტეოპოროზი. ძვალი ხდება მყიფე, მტვრევადი.ამ რისკების შესამცირებლად საჭიროა რძის პროდუქტების მოხმარება:რძე, ხაჭო, ყველი.
მოცვი
მოცვი იცავს ტვინს დაზიანებისგან ის შეიცავს პოლიფენოლებს, რომელთაც ანთების საწინააღმდეგო მოქმედება აქვს. მოცვი აუმჯობესებს ნერვული იმპულსების გადაცემის პროცესს.
ავოკადო
ავოკადოს გააჩნია ანტიოქსიდანტური თვისებები, ამცირებს სისხლში ქოლესტერინის დონეს, ამცირებს ართრიტის განვითარების რისკს.
