თავის ტკივილის ტიპები და მათი სიმპტომები
დაძაბვითი თავის ტკივილი
დაძაბვითი თავის ტკივილს თან ახლავს კისრისა და მხრის კუნთების დაძაბვა, ტკივილი. ამ დროს მდგომარეობა შეიძლება შეამსუბუქოს კისრისა და თავის მასაჟმა, ნოტიო, თბილმა საფენებმა. ამ ტიპის ტკივილის გამომწვევი მიზეზი ძირითადად სტრესია.
შაკიკი
შაკიკის ძირითადი თანმხლები სიმპტომებია
- გულისრევა, ღებინება;
- გაღიზიანებადობა;
- მგრძნობელობის მომატება სინათლის, ხმაურის მიმართ;
- მეტყველების გაძნელება;
- მხედველობის დაქვეითება;
- სისუსტე
შაკიკის გამომწვევი ზუსტი მიზეზი უცნობია. შაკიკის მქონე ადამიანებს ნახევარსფეროების ქერქის, განსაკუთრებით, კეფის ძილის ნეირონების ჰიპერაგზნებადობა აღენიშნებათ.
შაკიკის მაპროვოცირებელი ფაქტორები შესაძლოა იყოს ზოგიერთი საკვები, სტრესი, ალკოჰოლი, დაღლილობა, ამინდის ცვლილება.
კლასტერული თავის ტკივილი
კლასტერული თავის ტკივილის სიმპტომებია
- სახის წამოწითლება ან სიფერმკრთალე;
- შეშუპება თვალის ირგვლივ;
- ცრემლდენა(ლაკრიმაცია);
- თვალის სიწითლე;
- გუგის შევიწროება;
- ცხვირის დაგუბება
კლასტერული თავის ტკივილი თავის ტკივილის ერთ-ერთი ყველაზე მძიმე ფორმაა. ის თითოეულ ჯერზე შესაძლოა კვირების ან თვეების განმავლობაში გაგრძელდეს. თავის ტკივილის პერიოდებს შორის გვხვდება რემისიის პერიოდები. ტკივილის აღმოცენებაში გარკვეულ როლს სამწვერა ნერვი ასრულებს, მაგრამ ასევე გვხვდება ქალასშიდა სისხლძარღვებისა და ნერვული სისტემის დისფუნქცია.
ტკივილი ძირითადად თვალის ირგვლივაა ლოკალიზებული, ასევე ახასიათებს საფეთქელში, შუბლში, ლოყაში, ცხვირში ან ღრძილებში გავრცელება.