B12 ვიტამინის ნაკლებობის ნიშნები - მკურნალი.გე

მარიამ ფოლადაშვილი

ვიტამინ B12-ის დეფიციტთან დაკავშირებული ნიშნები შესაძლოა იყოს:

1. დაღლილობა - ადამიანის უჯრედებს ვიტამინი B12 ნორმალური ფუნქციონირებისათვის სჭირდება. B12-ის დაბალი კონცენტრაცია ამცირებს სისხლის წითელი უჯრედების წარმოქმნის ინტენსიობას, რაც ხელს უშლის ორგანიზმის ჟანგბადით მომარაგებას. ჟანგბადის დეფიციტი კი იწვევს სისუსტისა და დაღლილობის შეგრძნებას;

2. ყვითელი ფერი სახეზე ან სიფერმკრთალე;

3. თავის ტკივილი - B12 ვიტამინის ნაკლებობას სხვა ნევროლოგიურ დარღვევებთან ერთად (მაგალითად, დეპრესია), შესაძლოა თან ახლდეს თავის ტკივილი. ერთ-ერთი კვლევის თანახმად, შაკიკის მქონე ადამიანების სისხლში აღმოჩნდა B12-ის დაბალი კონცენტრაცია;

4. კუჭ-ნაწლავის ტრაქტის პრობლემები - ვიტამინ B12-ის ნაკლებობამ შესაძლოა გამოიწვიოს დიარეა, შეკრულობა, გულისრევა, დისკომფორტი მუცლის ღრუში;

5. კონცენტრაციის გაძნელება, კოგნიტური ფუნქციების გაუარესება, კოორდინაციის დარღვევა;

6. ჩხვლეტის, დაბუჟების და სხვა არასასიამოვნო შეგრძნებები (პარესთეზია) ხელებსა და ფეხებში;

7. კუნთების სისუსტე;

8. მხედველობის გაუარესება