პათოლოგია არ გაქვთ. ეს არის დიეტა, რომელსაც ერთ-ერთი მკითხველი გვთავაზობს - მან ეს დიეტა საკუთარ თავზე გამოსცადა და შედეგიც მიიღო.
დაგჭირდებათ:
- 1-1,2 კგ თეთრი ხახვი,
- 250-500 გრ მწვანე საშუალოდ მწარე ან მწარე წიწაკა,
- 300-500 გრ ნიახური,
- 1-1,5 კგ პამიდორი,
- 300-500 გრ კომბოსტო,
- ძალიან ცოტა მარილი ან საერთოდ უმარილო.
ბოსტნეულს გარეცხავთ, დაჭრით, ჩაყრით ქვაბში, დაასხამთ წყალს, რომ ბოლომდე დაიფაროს. წამოადუღებთ და დაუწევთ ძალიან დაბალზე, ოდნავ რომ იდუღოს. ხარშავთ სამი საათი. ოდნავ გააგრილებთ, გადაწურავთ. გამოვა 3 ლიტრი ან ცოტა ნაკლები. ამ ნახარშს სვამთ დღის განმავლობაში 10-ჯერ, ყოველ ერთ საათში. 7 დღის განმავლობაში. ყოველდღე ახალი უნდა მოხარშოთ. კუჭი სულ ცარიელი რომ არ იქნესიყოს, შეგიძლიათ ჭამოთ ცოტ-ცოტა მოხარშული ის ბოსტნეული, წვენი რასაც გადაუწურეთ.
- არავითარ შემთხვევაში არ გააცხელოთ ხელმეორედ,
- არ დალიოთ მეორე დღეს წინა დღის ნახარში.
პარალელურად საჭიროა დღეში 1,5-2 საათი ვარჯიში ისეთი სიმძიმეებით, რომ კუნთები განვითარდეს და ენერგიის ხარჯვა დაიწყოს. თავიდან შეგიძლიათ გამოიყენოთ მცირე სიმძიმეები. ყველა კუნთი უნდა განვითარდეს - ზურგის, კოდურების, მუცლის. ერთ კვირაში 3-4 კილოს დაიკლებთ. აქედან სითხის წილიცაა, მაგრამ მეორე კვირაში ძალიან სწრაფად მიდის ცხიმების კლება.
მეორე კვირის დიეტა:
დღე 1: მთელი დღე მხოლოდ ხილი ბანანის გარდა, ბოსტნეულის ნახარში, ჩაი და წყალი.
დღე 2: მხოლოდ ბოატნეული ლობიოს და სიმინდის გარდა და რაიმე სუპი. საღამოს მოხარშული კარტოფილი ცოტა კარაქით.
დღე 3: 1-2 დღეების შერეული მენიუ კარტოფილის გარეშე.
დღე 4: 8 ბანანი, უცხიმო რძე და რაიმე სუპი - ამ დღიდან ორგანიზმს სჭირდება კალიუმი, ნახშირწყლები, ცილა და კალციუმი.
დღე 5: საქონლის მჭლე ხორცი 250 გრამი და 6 ცალი ცოცხალი ან დაკონსერვებული პამიდორი. სულ მცირე 6-8 ჭიქა წყალი.
დღე 6: საქონლის ხორცი, თევზი და ბოსტნეული კარტოფილის გარეშე, ასევე ბოსტნეულის ნახარში.
დღე 7: წითელი ბრინჯი, ხილის წვენი და ბოსტნეული და ბოსტნეულის ნახარში.
ვარჯიში აუცილებელია ამ პერიოდში, უნდა იყოთ აქტიური, ენერგიული და სისუსტემ არ უნდა შეგაწუხოთ.
პირველი სამი დღე არის რთულად გასაძლები. მერე გაგიადვილდებათ.
რაც მთავარია: ბოსტნეული ნახარშისთვის - უნდა იყოს რაც შეიძლება სუფთა პროდუქცია. სხვა შემთხვევაში ორგანიზმში შეიტანთ ერთბაშად ძალიან ბევრ შხამს.
და კიდევ მნიშვნელოვანი: დიეტის შემდეგ მომდევნო ორი კვირა ისე კვება, რომ არ მოიმატოთ არაფერი. დაკლება არაა აუცილებელი. არ მოიმატოთ ოღონდ. კიდევ ერთხელ შეგახსენებთ, რომ კუჭი და ნაწლავები უნდა გქონდეთ ჯანმრთელი ამ დიეტის გაკეთებისთვის!
