როგორ დავიქვეითოთ ქოლესტერინი 25%-ით - რას გვირჩევენ მედიკოსები
მედიკოსების განცხადებით, ამისათვის საჭიროა რაციონში დავამატოთ პარკოსნები, შვრია, ნიგოზი და ცხიმიანი თევზი.
პარკოსნები და შვრია მდიდარია უჯრედისით. ისინი არ შეიცავენ ბევრ კალორიას, მაგრამ კარგად ანაყრებენ ორგანიზმს, რაც ზედმეტი წონის დაკლებაში და არასაჭირო ცხიმის მოშორებაში დაგვეხმარება.
ქოლესტერინის დაქვეითებას ასევე ხელს უწყობს ნიგოზი და თხილეული.
სპეციალისტები ასევე გვირჩევენ ცხიმიანი თევზის მიღებას. ის წარმოადგენს ომეგა-3 ცხიმოვანი მჟავების წყაროს, აქვეითებს ტრიგლიცერიდების დონეს და დადებითად მოქმედებს სისხლძარღვებზე.
მედიკოსები გვირჩევენ შევზღუდოთ ცხიმიანი ხორცისა და ნახევარფაბრიკატების მიღება. ამას გარდა შესაძლებელია ცხოველური ცხიმების მცენარეულით ჩანაცვლება.
აღსანიშნავია, რომ რაციონში ბოსტნეულის სიჭარბემ შეიძლება გამოიწვიოს საჭმლის მონელების დარღვევა. ამიტომ კვება უნდა იყოს მრავლფეროვანი და დაბალანსებული, არ უნდა მოვახდინოთ მხოლოდ გარკვეულ პროდუქტებზე ფოკუსირება.