როგორ შევამციროთ სტრესის ჰორმონი ორგანიზმში
სტრესის მთავარი ჰორმონის -კორტიზოლის სიჭარბეს მრავალი დაავადების, მათ შორის შაქრიანი დიაბეტის განვითარების მიზეზად განიხილავენ. თუმცა ეს ჰორმონი, ისევე, როგოც ნებისმიერი სხვა, აუცილებელია ორგანიზმის ნორმალური ფუნქციონირებისათვის.
კორტიზოლის დონე იზრდება დილით ადრე. მის კვალდაკვალ მატულობს გლუკოზის დონე და ტვინი „იღვიძებს“. მწვავე სტრესის შემთხვევაში, კორტიზოლი ორგანიზმს ეხმარება სისხლში გლუკოზის, ამინომჟავების და ლიპიდების მარაგების მოწოდების მობილიზაციასა და ანთებითი პროცესების დათრგუნვაში. ეს პროცესი ევოლუციურად ჩამოყალიბდა, რაც ადამიანს ექსტრემალურ სიტუაციაში გადარჩენის საშუალებას აძლევს.
მაგრამ თუ სტრესი ქრონიკულ ფორმას იძენს და კორტიზოლის დონე მუდმივად მაღალია, ეს ჯანმრთელობის მრავალი პრობლემის მომტანი გახდება. მაგალითად, იზრდება ტიპი 2 შაქრიანი დიაბეტის განვითარების, წონაში მატების რისკი, ასევე აღინიშნება სისხლძარღვების შევიწროვება და არტერიული ჰიპერტენზიის განვითარება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ამას გარდა, კორტიზოლის მომატებული დონე თრგუნავს ტვინის განყოფილების ჰიპოკამპის ფუნაციას. ეს უკანასკნელი პასუხისმგებელია მეხსიერებაზე, რის შედეგადაც ქვეითდება სწავლის უნარი და იზრდება გაღიზიანებადობა.
სტრსის ჰორმონის ნორმალიზაციისათვის, პირველ რიგში ძილის რჟიმი უნდა მოწესრიგდეს.
იდეალურია 23:00სთ-მდე დაწოლა დასაძინებლად და 07:00სთ-მდე ადგომა. ჯანსაღი ძილი ერთ-ერთი ეფექტური მეთოდია ზედმეტ კორტიზოლთან საბრძოლველად.
კორტიზოლის მომატებული დონისას არ უნდა გამოირიცხოს ნახშირწყლები. ამიტომ რაციონში უნდა იყოს ბურღულეული, პური, მაკარონი, ხილი, ბოსტნეული, პარკოსნები.
რთული ნახშირწყლების ვახშმად მიღება სტრესის ჰორმონის კონტროლქვეშ მოქცევაში დაგვეხმარება.
რეკომენდებულია ფიზიკური აქტივობა და ვარჯიშისთვის სწორი დროის შერჩევა. ინტენსიური ვარჯიში უმჯობესია დღის პირველ ნახევარში, რადგანაც მას თან ახლავს კორტიზოლის გამოყოფა. ამიტომ საღამოს უპირატესობა უნდა მივანიჭოთ იოგას, პილატეს, გაჭიმვებს.
მნიშვნელოვანია ორგანიზმი მოვამარაგოთ ვიტამინებით, მაგნიუმით, თუთიით, ომეგა-3 ცხიმოვანი მჟავებით, В ჯგუფის ვიტამინებით. ამას გარდა, უნდა შეიზღუდოს კოფეინის მოხმარება. კარგია სუნთქვითი ვარიშები, მედიტაცია ახლობელ ადამიანებთან და ოთხფეხა მეგობრებთან მეტი დროის გატარება.
