რატომ უნდა ჩავეხუტოთ ხშირად ერთმანეთს
ჩახუტებისას გამომუშავდება ჰორმონი ოქსიტოცინი, რომელიც სოციალური კონტაქტების აგებაში გვეხმარება და აძლიერებს ნდობის შეგრძნებას. ჩახუტებისას ასევე გამოიყოფა ენდორფინი, რომელიც აუმჯობესებს განწყობას.
ამ ჰორმონების წყალობით იზრდება ნდობის ხარისხი მის მიმართ, ვისაც ვეხუტებით, რაც ხელს უწყობს ადამიანის ფსიქოლოგიური მდგომარეობის ნორმალიზაციას. ასეთი შეხებით მცირდება შფოთვა და ვითარდება კმაყოფილების შეგრძნება.
ამას გარდა, ამგვარი ახლო ფიზიკური კონტაქტი ხელს უწყობს სხვა ჰორმონების გამომუშავებასაც, რომლებიც პასუხისმგებელია სიმშვიდესა და გაწონასწორებულ მდგომარეობაზე. ეს ჰორმონებია სეროტონინი და დოფამინი. სწორედ ისინი მოქმედებენ სისხლძარღვებზე, ხსნიან სპაზმს და აუმჯობესებენ არტერიული სისხლის მიწოდებას ქსოვილებსა და ორგანოებში. შესაბამისად ძლიერდება ჟანგბადით, ყველა საჭირო მინერალებითა და ვიტამინებით კვება.