ნანა კალანდაძე

შვილის გარდატეხის ასაკის თავისებურებებთან გამკლავება. ბევრი მშობელი, რომლის შვილიც ჯერ კიდევ პატარაა, შესაძლებელია ფიქრობს, რომ მისთვის და მისი შვილისთვის ეს ასაკი უპრობლემოდ ჩაივლის.

გარდატეხის ასაკის პრობლემა N1 - გგონიათ, რომ თქვენს შვილს სძულხართ:

შესაძლებელია, სულ ცოტა ხნის წინ თქვენი ტკბილი შვილი გთხოვდათ მასთან ერთად კლასის ექსკურსიაზე წასვლას ან დაძინების დროს მასთან წამოწოლას. უცებ კი, ფაქტობრივად, ერთ დღეში, აღმოაჩენთ, რომ ის იწყებს თქვენ მიმართ საშინელი აგრესიის გამოვლენას, ყველა თქვენი სიტყვის აბუჩად აგდებას და თქვენი რჩევების დაცინვასაც კი.

თუ თქვენს თინეიჯერ შვილს აგრძნობინებთ, რომ მიუხედავად ყველაფრისა, ყოველთვის მის გვერდით ხართ, ის პერიოდულად მაინც დაიბრუნებს თქვენდამი ნდობას, რაც საკმაოდ იშვიათია გარდატეხის ასაკში.

გარდატეხის ასაკის პრობლემა N2 - შინ გვიან დაბრუნება:

უკვე ღამის თერთმეტის ნახევარია. თქვენ შვილს უთხარით, რომ სახლში თერთმეტი საათისთვის დაბრუნებულიყო და ის ჯერაც არ ჩანს. თქვენ ღიზიანდებით და ვერ იგებთ, კვლავ რატომ არღვევს დაწესებულ შეთანხმებას.

როგორ მივუდგეთ ამ საკითხს:

სანამ დასჯის მკაცრ ზომებს მიმართავდეთ, ეცადეთ დაელაპარაკოთ შვილის მეგობრების მშობლებს და გაარკვიოთ, ისინი რომელ საათზე ითხოვენ შვილების სახლში დაბრუნებას.

გარდატეხის ასაკის პრობლემა N3 - შვილის მეგობრები, რომლებიც თქვენ საშინლად არ მოგწონთ:

ყოველ ჯერზე გაჟრიალებთ, როცა თქვენი შვილის უცნაურად ჩაცმულ და საოცარი ვარცხნილობის მქონე მეგობრებს ხედავთ. ხშირად ფიქრობთ და არ იცით, როგორ მოიქცეთ – თქვათ რამე თუ უმჯობესია, გაჩუმდეთ?როგორ მივუდგეთ ამ საკითხს:

იცოდეთ, რომ შესაძლებელია ბავშვები უცნაურად იცვამდნენ, თმას თქვენთვის მიუღებლად იკეთებდნენ და საშინლად ხმაურიანებიც იყვნენ, მაგრამ ამ ყველაფერთან ერთად წესიერებიც იყვნენ, - ამბობს ბარტელი. ის მშობლებს ურჩევს, თავი შეიკავონ შვილის მეგობრების ჩაცმისა თუ ვარცხნილობის სტილის კრიტიკისაგან. გარდატეხის ასაკში ბავშვები იმდენად მიჯაჭვულები არიან მეგობრებს, რომ მათ კრიტიკას პირად შეურაცხყოფად აღიქვამენ.