როგორ შეიძლება გავაუმჯობესოთ მდგომარეობა ფრჩხილის ფსორიაზის დროს?
სწორი მკურნალობით და ფრჩხილების მოვლის რუტინით შესაძლებელია გავაუმჯობესოთ მდგომარეობა, შევამციროთ ტკივილი.
1. ატარეთ მოკლე ფრჩხილები - მოიჭერით კანის დონეზე. ამით მოახდენთ პრევენციას იმისა, რომ ხელის და ფეხის ფრჩხილები არ მოიხსნას/აშრევდეს კანიდან. ასევე მოახდენთ ფრჩხილის ქვეშ ფსორიაზის ელემენტის ხშირად გაჩენის პრევენციას;
2. გამოიყენეთ ხელთათმანები ნებისმიერი მექანიკური სამუშაოს შესრულებისას. აქ იგულისხმება - საოჯახო საქმეები, ეზოს სამუშაოები და სარემონტო სამუშაოები.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
3. დაიტენიანეთ ხელები - ფსორიაზი აშრობს თქვენს კანს და ფრჩხილებს, ამიტომ კრიტიკულად მნიშვნელოვანია დატენიანების რუტინა ყოველი ხელის დაბანის შემდეგ, ასევე ბანაობის შემდეგ დაუყოვნებლივ (1 წუთში).
მალამოს ან კრემის სქელი ფენა ყველაზე ეფექტურად მუშაობს.
4. თავი დაანებეთ კუტიკულების დაზიანებას.
კუტიკულების ჭრა ან მოშორება აზიანებს კანს და შესაძლოა გამოიწვიოს ინფექციის განვითარება.
ფსორიაზით დაავადებულ პაციენტებში კანის დაზიანების ან კანის ინფექციის შემთხვევაში შესაძლოა ფსორიაზი გამწვავდეს. ამას კობნერის ფენომენი ეწოდება (Koebner phenomenon).
5. თავიდან აირიდეთ ფრჩხილების "მოკვნეტა", ასევე ფრჩხილების გარშემო კანის "კვნეტა"
6. არ შეიძლება ფრჩხილის ქვეშ განვითარებული ფსორიაზული დაზიანების მექანიკური მოშორება. ამით მდგომარეობა უფრო გაუარესდება
7. არ გამოიყენოთ ხელოვნური ფრჩხილები. ასევე არ გამოიყენო ფრჩხილის გელ-ლაქი (შილაკი). ხელოვნური ფრჩხილის გამოყენებით შესაძლოა მოხდეს ფრჩხილის აშრევება კანიდან, რაც ისედაც ხშირ პრობლემას წარმოადგენს ფრჩხილების ფსორიაზის დროს.
