რატომაა საშიში გრძელი ფრჩხილები
თუმცა, სპეციალისტების თვალსაზრისით, ის ჯანმრთელობისთვის უსაფრთხო არ არის. როგორც ამერიკის უნივერსიტეტის ბიოლოგიის პროფესორი ჯეფრი კაპლანი აღნიშნავს, გრძელი ფრჩხილები ბაქტერიებისა და სოკოების ნამდვილი სანაშენეა.
„რაც უფრო გრძელია ფრჩხილის ფირფიტა, მით მეტი მიმაგრების საშუალება აქვთ მიკროორგანიზმებს. კვლევის მიმდინარეობისას, ამგვარი ფრჩხილების ქვეშ, 32 სახეობის ბაქტერია და 28 სახეობის სოკო იქნა აღმოჩენილი, მათ შორის ანტიბიოტიკებისადმი მდგრადი სტაფილოკოკიც კი.“
ექსპერტის განცხადებით, სრულიადაც არ აქვს მნიშვნელობა ფრჩხილი ხელოვნურია თუ ნატურალური, გელით, აკრილით თუ ლაქით დაფარული - ნებისმიერ შემთხვევაში, გრელი ფრჩხილების ქვეშ დიდია მიკროორგანიზმების შემცველობის ალბათობა.
აღნიშნული მიკროორგანიზმების გაუვნებელყოფა ხელების დაბანით ან ფრჩხილების სპეციალური ჯაგრისით წმენდით ძნელია. ამას გარდა, მიკრობები შეიძლება ორგანიზმში მოხვდეს და გამოიწვიოს დააადება. ამ მიკროორგანიზმებს ასევე შეუძლია გამოიწვიოს ფრჩხილის ინფექცია, რომელიც ფრჩხილის ფირფიტას არაჯანსაღ და უსიამოვნო შესახედაობას აძლევს.