ასთმის სიმპტომები და "საგანგებო მდგომარეობის" ნიშნები
ამ დროს სასუნთქი გზები ვიწროვდება. ამან შეიძლება გაართულოს სუნთქვა და გამოიწვიოს ხველა, ცემინება ქოშინი.
ზოგიერთი ადამიანისთვის ასთმა უმნიშვნელო დაავადებაა. სხვებისთვის კი ეს შეიძლება მთავარი პრობლემა იყოს, რომელიც ხელს უშლის ყოველდღიურ საქმიანობას და შეიძლება გამოიწვიოს სიცოცხლისთვის საშიში შეტევები.
მართალია, ასთმის განკურნება შეუძლებელია, მაგრამ მისი შეტევების კონტროლი შესაძლებელია. იმის გამო, რომ ასთმის შეტევის სიხშირე ხშირად იცვლება, მნიშვნელოვანია, რომ ითანამშრომლოთ ექიმთან, რათა თვალყური ადევნოთ თქვენს სიმპტომებს და დაარეგულიროთ მკურნალობა
სიმპტომები
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ასთმის სიმპტომები განსხვავებულია.
იგი მოიცავს:
- გულმკერდის შებოჭილობა ან ტკივილი
- ხიხინი ამოსუნთქვისას, რაც ბავშვებში ასთმის საერთო ნიშანია
- უძილობა გამოწვეული ქოშინით, ხველებით ან ხიხინით
- შეტევები, რომლებიც გაუარესებულია რესპირატორული ვირუსით, როგორიცაა გაციება ან გრიპი
ნიშნები იმისა, რომ ასთმა უარესდება
- სუნთქვის გაძნელება
- ვარჯიშით გამოწვეული ასთმა, რომელიც შეიძლება გაუარესდეს, როდესაც ჰაერი ცივი და მშრალია
- პროფესიული ასთმა, გამოწვეული სამუშაო ადგილის გამაღიზიანებლებით, როგორიცაა ქიმიური ორთქლი, აირები ან მტვერი
- ალერგიული ასთმა, გამოწვეული ჰაერის შემცველი ნივთიერებებით, როგორიცაა მტვერი
როდის მივმართოთ ექიმს
როგორც უკვე აღვნიშნეთ, ასთმის მძიმე შეტევები შეიძლება სიცოცხლისთვის საშიში იყოს. იკონტაქტეთ ექიმთან, რათა დაადგინოთ, რა უნდა გააკეთოთ, როდესაც თქვენი სიმპტომები გაუარესდება - და როდის გჭირდებათ გადაუდებელი მკურნალობა.
ასთმის საგანგებო მდგომარეობის ნიშნებია:
- ქოშინი ან ხიხინი ხშირდება
- მდგომარეობა არ უმჯობესდება ინჰალატორის გამოყენების შემდეგაც
- სუნთქვა ძნელდება მინიმალური ფიზიკური აქტივობისასაც კი
ასთმის ადრეულმა მკურნალობამ შეიძლება თავიდან აგაცილოთ ფილტვების დაზიანება და დროთა განმავლობაში არ გაუარესდეს მდგომარეობა. თუ იცით, რომ გაქვთ ასთმა, ხშირად ეწვიეთ ექიმს, რათა გააკონტროლოთ იგი. გრძელვადიანი კონტროლი გეხმარებათ იმაში, თუ როგორ იგრძნოთ დღითიდღე თავი უკეთესად და თავიდან აიცილოთ სიცოცხლისთვის საშიში ასთმის შეტევები. დაუყონებლივ მიმართეთ ექიმს, თუ წამალი ან ინჰალატორი არ ამსუბუქებს თქვენს შეტევას.
ნუ მიიღებთ მითითებულზე მეტ მედიკამენტს ექიმთან წინასწარი კონსულტაციის გარეშე. ასთმის მედიკამენტების გადაჭარბებულმა გამოყენებამ შეიძლება გამოიწვიოს გვერდითი მოვლენები და შეიძლება გააუარესოს დაავადება.
ავტორი ია რომანაძე
