7 შემთხვევა, როცა აუცილებლად უნდა მიმართოთ ექიმს მუცლის ტკივილის დროს
მუცლის ტკივილის გამომწვევი მიზეზების უმეტესობა არ წარმოადგენს შეშფოთების მიზეზს, რადგან თქვენს ექიმს მარტივად შეუძლია პრობლემის დიაგნოსტიკა და მკურნალობა. თუმცა, ზოგჯერ ეს შეიძლება იყოს სერიოზული დაავადების ნიშანი, რომელიც საჭიროებს სამედიცინო დახმარებას.
მუცლის ტკივილის სახეები
არსებობს მუცლის ტკივილის რამდენიმე ტიპი. იგი ეფუძნება ტკივილის ხანგრძლივობას.
მწვავე ტკივილი შეიძლება გაგრძელდეს რამდენიმე საათის განმავლობაში, ხოლო ქრონიკული ტკივილი უფრო მეტხანს გრძელდება - კვირებიდან თვეებამდე ან კიდევ მეტ ხანს. ტკივილი დროთა განმავლობაში უარესდება.
მუცლის ტკივილის მიზეზები
მიუხედავად იმისა, მსუბუქი ტკივილი გაქვთ თუ სერიოზული, მუცლის ტკივილს მრავალი მიზეზი შეიძლება ჰქონდეს. მაგალითად, შეიძლება საჭმლის მონელების პრობლემა გქონდეთ, კუჭის ვირუსი ან, თუ ქალი ხართ, მენსტრუალური ტკივილები.
სხვა შესაძლო მიზეზები შეიძლება მოიცავდეს:
- გაღიზიანებული ნაწლავის სინდრომი (IBS)
- საკვებით მოწამლვა
- საკვების ალერგია
- გაზები
- საშარდე გზების ინფექცია
- მუცლის კუნთების დაძაბვა
- თიაქარი
- კენჭები თირკმელში
- ენდომეტრიოზი
- აპენდიციტი
როდის უნდა მიმართოთ ექიმს
- თუ მუცლის ტკივილი ძლიერია, არ ქრება და მალევე ბრუნდება
- ტკივილი შეხებისას
- თუ ტკივილი რამდენიმე საათზე მეტხანს გრძელდება
- გაქვთ სისხლიანი ღებინება
- გიჭირთ სუნთქვა
- აღინიშნება შეშუპება მუცელში
- გაქვთ წონის აუხსნელი კლება
მუცლის ტკივილის ერთ-ერთ მთავარი გამომწვევი მიზეზი საკვებია.
დიეტისა და ცხოვრების წესის ზოგიერთმა ცვლილებამ შეიძლება ხელი შეუწყოს მუცლის ტკივილს, რომელიც გამოწვეულია გაზით და საჭმლის მონელებით. აქ არის რამოდენიმე რამ, რაც შეგიძლიათ სცადოთ:
- მიირთვით მცირე ულუფებით
- იკვებეთ უფრო ხშირად
- ჭამეთ ნელა
- კარგად დაღეჭეთ საკვები
- დალიეთ სასმელები ოთახის ტემპერატურაზე
- მოერიდეთ საკვებს, რომელიც იწვევს გაზებს ან საჭმლის მონელების პრობლემებს
- მართეთ სტრესი
- შეზღუდეთ ალკოჰოლი და კოფეინი
ავტორი: ია რომანაძე