კრუნჩხვის წინარე სიმპტომები
სწრაფად დაეცეს მიწაზე ან დაკარგოს გონება. კრუნჩხვების გამომწვევი მიზეზების დასადგენად მათ სჭირდებათ გამოკვლევა. კრუნჩხვები შესაძლოა გამოწვეული იყოს ტვინიდან - მაგალითად ეპილეფსიის დროს. თუმცა არსებობს არაეპილეფსიური კრუნჩხვებიც.
ზოგჯერ ადამიანებს აქვთ შეგრძნება, რომელსაც ისინი აურას უწოდებენ. სინამდვილეში ეს არის ეპილეფსიური შეტევის წინარე შეგრძნება, რომელიც კრუნჩხვების დაწყების შესახებ გვაფრთხილებს. ყველაზე გავრცელებული აურა მოიცავს შემდეგ შეგრძნებებს:
- დეჟა ვუ
- შიში
- შფოთვა
- ეიფორია
კრუნჩხვების დაწყებამდე ადამიანმა შესაძლოა განიცადოს ვიზუალური ცვლილებები, სმენის ან ყნოსვის დარღვევები/ცვლილებები. პაციენტის მხრიდან ამ სიმპტომებზე თვალ-ყურის დევნება (მაგ: როდის დაიწყო სიმპტომები, რამდენი ხანი გაგრძელდა და ა.შ) დაეხმარება ექიმს კრუნჩხვების ზუსტ დიაგნოსტიკასა და მკურნალობაში.
ადამიანის ასაკის მიხედვით სიმპტომები განსხვვებულია. ზრდასრულ ადამიანს შეიძლება აღენიშნებოდეს:
- გონების დაკარგვა
- მიწაზე დაცემა
- თვალის სწრაფი მოძრაობები
- ნერწყვდენა ან ქაფი პირის ღრუში
- შარდის შეუკავებლობა
- კუნთების უნებლიე შეკუმშვები
- გაძნელებული საუბარი
კრუნჩხვები შეიძლება გაგრძელდეს რამდენიმე წუთი, მაგრამ თუ ცოტა ხნის შემდეგ არ შეწყდა ეს სიმპტომები, გარშემომყოფები აუცილებლად უნდა დაუკავშირდნენ ექიმს.
რაც შეეხება ახალშობილების კრუნჩხვას. ეს საკმაოდ რთული გამოსაცნობია ბავშვებში, რადგან ისინი ისედაც გამოირჩევიან ელასტიკურობითა და სხვადასხვანაირი სახის გამომეტყველებით. თუმცა, ბავშვს შესაძლოა კრუნჩხვები ჰქონდეს, თუ მას შეამჩნევთ შემდეგ ნიშნებს, :
- მკლავების ან ფეხების სპაზმური გამკვრივება
- ტორსის დაჭიმვა
- სუნთქვის ან გულისცემის ცვლილება
- აგრეთვე კრუნჩვები სავარაუდოა, თუ ბავშვი იმეორებს ერთსა და იმავე მოქმედებას ხანგრძლივად.
მკვლევარების აზრით, გენეტიკა დიდ როლს ასრულებს იმაში, ექნება თუ არა ბავშვს კრუნჩხვები.
კრუნჩხვის შემდგომი შეგრძნებები
ადამიანმა კრუნჩხვების დასრულების შემდგომ შეიძლება იგრძნონ სისუსტე, დაღლილობა, დაბნეულობა, თავის ტკივილი.
