რაშია კუნთების ახალგაზრდობის საიდუმლო
ისინი დაყვეს სამ ჯგუფად: პირველში შედიოდნენ 15 ახალგაზრდა მოხალისე, რომლებიც ძირითადად მჯდომარე ცხოვრების წესს ეწეოდნენ, მეორეში 16 ხანდაზმული მამაკაცი (საშუალო ასაკი 73 წელი), რომლებიც მთელი ცხოვრება ფიზიკურად აქტიური რეჟიმით ცხოვრობდნენ, ხოლო მესამეში 15 ხანდაზმული მჯდომარე ცხოვრების წესის მქონე მამაკაცი.
ყველა მონაწილეს სთხოვეს შეესრულებინათ გარკვეული კუნთოვანი ფუნაციის შესაფასებელი სავარჯიშო. ამას გარდა მამაკაცებს აუღეს სისხლის ანალიზი და ორივე ქვედა კიდურიდან კუნთოვანი ქსოვილის ნიმუში.
აღმოჩნდა რომ მამაკაცებს, რომლებიც მთელი ცხოვრება მოყვარული სპორტით იყვნენ დაკავებულები - ცურვა, სირბილი, ველოსიპედზე სიარული და ა.შ.- გაცილებით მეტი კუნთოვანი ღეროვანი უჯრედი ჰქონდათ, ვიდრე დანარჩენი ორი ჯგუფის მონაწილეებს. კუნთოვანი ღეროვანი უჯრედები მნიშვნელოვან როლს ასრულებენ კუნთოვანი ქსოვილის რეგენერაციასა და ზრდაში: რაც უფრო მეტია მათი რაოდენობა, მით უკეთესად ფუნქციონირებს კუნთები და გვიან დგება მოხუცებულობითი კუნთოვანი სისუსტე.
მკვლევარების განცხადებით, მცირე მაგრამ რეგულარულ ფიზიკურ აქტივობას მთელი ცხოვრების განმავლობაში აქვს გრძელვადიანი დადებითი შედეგები, უზრუნველყოფს რა სიბერეში კუნთების ახალგაზრდობას.