რადგან ის დანიშნულების სპეციფიკას უფრო მარტივად აანალიზებს.ამასთან, დაავადების სიმპტომების, მისი მიმდინარეობისა და მკურნალობის გზების ცოდნის შემთხვევაში, პაციენტი თავს უფრო მშვიდად გრძნობს და იცის, რა შემთხვევაში როგორ მოიქცეს და რას ელოდოს.

იმის გამო, რომ სამედიცინო ტერმინოლოგია შესაბამისი განათლების არმქონე ადამიანისთვის რთული და ხშირ შემთხვევაში გაუგებარია, ჰარვარდის მედიცინის სკოლის პროფესორებმა მკითხველთა ფართო წრისთვის შეადგინეს წიგნი, რომელშიც მარტივი ენით არის ახსნილი დაავადების სიმპტომები, მისი მიმდინარეობა და მკურნალობის გზებიც კი.

ჰარვარდის სამედიცინო წიგნი აშშ-ში გამოცემისთანავე ბესტსელერად იქცა. ავტორიტეტული პროფესორების ნამუშევარი ათასობით მკითხველის ოჯახში ერთ-ერთი მნიშვნელოვანი სახელმძღვანელოს როლს ასრულებს, საიდანაც შეგიძლია ავთენტური ინფორმაცია მოიძიო.

მიუხედავად იმისა, რომ ინტერნეტრესურსები ინფორმაციის მდიდარი წყაროა, ხშირად სანდო და არასანდო წყაროს გაფილტვრა გათვითცნობიერებულ მკითხველსაც უჭირს, განსაკუთრებით, როცა საქმე სამედიცინო საკითხებს ეხება. ერთ-ერთი მიზეზი, რის გამოც ჰარვარდის სამედიცინო წიგნი დიდი პოპულარობით სარგებლობს სწორედ ეს არის: მისი ავტორები სამედიცინო პერსონალი, მედიცინის დოქტორები არიან, რომელთაც გამოცდილებასა და უახლეს აღმოჩენებზე დაყრდნობით ფართო მკითხველისთვის გამოსადეგი სახელმძღვანელო შექმნეს.

ჰარვარდის მედიცინის სკოლის კრებულში გაერთიანებულია: გულისა და წნევის პრობლემები, შაქრიანი დიაბეტი, დეპრესიის, შფოთვისა და სტრესის მართვა, წონის პრობლემები და კვებითი ალერგია. ავტორებმა აღწერეს თითოეული პრობლემის სიმპტომები, რომელთა გამოვლენის შემთხვევაშიც სასურველია მივაკითხოთ ექიმს.

წიგნი ქართველი მკითხველისთვისაც ერთგვარი სამედიცინო გზამკვლევი გახდება, რომელსაც ინფორმაციის მოძიებისთვის ეფექტურად გამოიყენებს.

„ჰარვარდის პროფესორების მიერ შედგენილ კრებულში მოთხრობილია ამა თუ იმ დაავადების პრევენციის მეთოდებზეც, რაც ნებისმიერი მკითხველისთვის საინტერესოა. გამოცემის უფლების მიღების შემდეგ, ნათარგმნი კრებული ექიმებმა გადაამოწმეს და მხოლოდ ამის შემდეგ გამოჩნდა წიგნის მაღაზიების თაროებზე,“ - განმარტეს გამომცემლობა „პალიტრა L-ში“.

წიგნზე ჰარვარდის 100-ზე მეტმა სპეციალისტმა იმუშავა. მათ მოიძიეს ყველაზე სანდო კვლევები, რაც მათ მსჯელობასა და რეკომენდაციებს კიდევ უფრო დამაჯერებელს ხდის. მიუხედავად იმისა, რომ წიგნი რამდენიმე ყველაზე გავრცელებულ დაავადებას მოიცავს და საკმაოდ სქელტანიანია, ისეა შედგენილი, რომ მკითხველმა სასურველი ინფორმაცია მარტივად მოიძიოს.

„ჰარვარდის სამედიცინო წიგნი „პალიტრა L-ის“ ერთ-ერთი უმნიშვნელოვანესი გამოცემაა. მიგვაჩნია, რომ საზოგადოებისთვის სამედიცინო თემაზე დაზუსტებული ინფორმაციის მიწოდება მნიშვნელოვანია, რათა ნებისმიერი სიმპტომის შემთხვევაში პაციენტებმა დროულად მიმართონ ექიმს და ადრეულ ეტაპზე დაიწყონ მკურნალობა,“ - აღნიშნეს „პალიტრა L-ში“.

წიგნის შეძენა შესაძლებელია როგორც გამომცემლობის ვებგვერდზე, ისე ბიბლუსის მაღაზიათა ქსელში.