სახიფათოა თუ არა ძლიერი სიცილი
სხვისი სიცილის გაგონებაზედაც კი თავს უკეთ ვგრძნობთ. მაგრამ ძალიან ძლიერი სიცილი შეიძლება სახიფათო აღმოჩნდეს.
ძნელი წარმოსადგენია, მაგრამ ადამიანი ძლიერი სიცილის დროს შეიძლება დაიღუპოს. სიცილი თავისთავად არ კლავს, მაგრამ ამ დროს განვითარებულ მდგომარეობას შეუძლია ფატალური შედეგის გამოწვევა.
ძლიერმა სიცილმა პოტენციურად შეიძლება გამოიწვიოს თავის ტვინის ანევრიზმის გასკდომა, რაც ძალიან საშიშია სიცოცხლისათვის.
სხვადასხვა ემოციას შეუძლია გამოიწვიოს ასთმის სიმპტომები: ეს შეიძლება იყოს ტირილი, სტრესი, აღელვება და სიცილი. ძლიერმა სიცილმა შეიძლება გამოიწვიოს ასთმის მძიმე შეტევა და სუნთქვის გაძნელება.
ძლიერმა სიცილმა შეიძლება ნორმალური სუნთქვას შეუშალოს ხელი ან გამოიწვიოს სუნთქვის გაჩერება, რამაც შეიძლება გამოიწვიოს ასფიქსია.
ძლიერი სიცილის დროს ასევე შეიძლება განვითარდეს გულის წასვლა. ამ დროს გულის გაჩერება არ ხდება, მაგრამ შესაძლებელია გამოიწვიოს სიცოცხლისათვის საშიში ტრავმა.
ზოგადად, სიცილი ჯანმრთელობისთვის სასარგებლოა. სიცილისას ორგანიზმში ქვეითდება დაძაბულობა, სტიმულირდება სისხლის მიმოქცევა, დუნდება კუნთები. სიცილი ზრდის ჟანგბადით მდიდარი ჰაერის მოხმარების დონეს, რაც სასარგებლოა გულისა და ფილტვებისათვის.
გრძელვადიანი უპირატესობებს რაც შეეხება, სიცილი ამსუბუქებს დეპრესიას, აქვეითებს მოუსვენრობას და აუმჯობესებს განწყობას. სტრესის შემცირება ასევე აქვეითებს დაავადების რისკს. ამას გარდა, რაც მეტად ვიცინით, ტვინში მით მეტი ენდორფინი- კარგი განწყობის ჰორმონი- გამონთავისუფლდება, რაც არა მარტო განწყობას აუმჯობესებს, ტკივილის შეგრძნებასაც ხსნის.