როგორ დავაღწიოთ თავი ახალი ამბებით მიღებულ შფოთვას - მკურნალი.გე

ლალი ჩხიკვაძე

ზოგჯერ შოფთვას თან ახლავს უსიამოვნო ფიზიკური სიმტომები, აზრების სიმრავლე.

შფოთვა არსებობს ფონური და სიტუაციური

ფონური შფოთვა გვჭირდება, რათა მოვახდინოთ გარემოს სიგნალების საშიშად ან უსაფრთხოდ მარკირება.

სიტუაციური შფოთვა ერთმომენტიანი მკვეთრი მდგომარეობაა, რომელიც აღინიშნება პანიკური შეტევისას.

რა შეიძლება მოვიმოქმედოთ მაღალი ფონური შფოთვისას?

აერობული და რითმული სპორტი

ივარჯიშეთ ფიზიკურად ისე, როგორც ეს შესაძლებელია სახლის პრობებში, მაგალითად: ადგილზე სიარული, ბუქნები, ტანვარჯიში. ორგანიზმი იწყებს ენდორფინების გამომუშავებას და სტრესული ჰორმონების გადამუშავებას. ასე შესაძლებელია ყურადღების გადატანა და დაძაბულობის მოხსნა, ხოლო ძილი განწყობას გააუმჯობესებს. გასათვალისწინებელია, რომ რეგულარობა ინტენსივობაზე მნიშვნელოვანია. ვარჯიში საკმარისია დღეში 10-15 წუთის განმავლობაში.

ამას გარდა მიიღეთ შხაპი, ან აბაზანა, მოამზადეთ კერძი.

სოციალური მხარდაჭერა

კვლევებით მტკიცდება, რომ ადამიანები გარშემომყოფთა მხარდაჭერისას, უკეთ უმკლავდებიან ნეგატივს და ტკივილსაც კი.

ფსიქოჰიგიენა

ახალ ამბებს გამოუყავით დღის განმავლობაში 30 წუთი დილას და საღამოს. სხვა დროს არც კი დაინტერესდეთ. დისტანცირება გააკეთეთ ყველა ნაცნობთან, რომლებიც თესავენ პანიკას ან თქვენთვის არასასურველ აზრსა და ემოციას.

ყურადღების გადატანა

შფოთვისას, ტვინის ზოგიერთი უბანი აღგზნებულია და ძალიან აქტიური. საჭიროა სხვა უბენების ჩართვა, რათა მათგან მოხდეს ენერგიის გადანაწილება. ამისათვის საუკეთესოა ვინმესთან საუბარი, ფილმის ყურებს, სახლის დალაგება, მუსიკის მოსმენა.

მიიღეთ საკმარისი რაოდენობით წყალი

გაუწყლოვება უკავშირდება შფოთვის მომატებას. დღეში უნდა მივიღოთ 1,5-2 ლიტრი წყალი - 1/2 -1 ჩაის ჭიქა წყალი საათში ერთხელ.

კომუნკაციის მართვა

საჭიროა სოციალური ქსელის დეტოქსიკაციის პერიოდი.

ხელსაქმე-ანტისტრესი

რაღაცის შექმნისას, აქტიურდება ტვინის ზონა, რომელიც შემოქმედებითობაზეა პასუხისმგებელი. მნიშვენლოვანია იმის გაკეთება, რაც არ გამოგდით ცუდად და შეგიძლიათ მარტივად გააკეთოთ. 30-40 წუთი ასეთი საქმიანობა შეამცირებს გულის რითმსა და სუნთქვას, მოადუნებს კუნთებს, დააქვეითებს არტერიულ წნევას.

იუმორი

გვეხმარება შევეგუოთ სიტუაციას და ავამუშავოთ ტვინის ის უბნები, რომლებიც შფოთვას აქრობს. ფსიქოლოგები იუმორს ფსიქოლოგიური დაცვის ყველაზე კარგ საშუალებად მიიჩნევენ.

რა არ უნდა გავაკეთოთ შფოთვისას

1. ალკოჰოლის მიღება. ის დეპრესანტი და დიურეტიკია. მართალი დაძაბულობას ხსნის იმ მომნეტში, მაგრამ მოგვიანებით აძლიერებს შფოთვას და დეპრესიას და გამოჰყავს ორგანიზმიდან წყალი.

2. ტკბილის მიღება. სისხლში გლუკოზის მაღალი დონე ზოგიერთ ადამიანში იწვევს სტრესთან დაკავშირებული ჰორმონების დონის ზრდას.

3. ფსიქოაქტიური ნივთიერებებისა და სტიმულატორების მიღება: ყავა, ჩაი, ენერგეტიკული სასმელები. ისინი იწვევენ სტრესთან დაკავშირებული ჰორმონებისა და ნეირომედიატორების გამოსროლას.

4. მუდმივად ახალია ამბების ყურება. სჯობს ზედმეტი ფოკუსირება არ მოვახდინოთ იმაზე, რისი შეცვლაც არ შეგვიძლია. უძლურების განცდა ზრდის შფოთვის ხარისხს.